Tanymal prodiýser Móldir Muqan jańa baspanasyndaǵy jóndeý barysyn kórsetip, shańyraǵyna qatysty armanyn bólisti, dep habarlaidy ult.kz.

Prodiýser úidi jabdyqtaǵanda ádemiligimen qatar, sapasy men qolailylyǵyna da kóńil bólip jatqanyn aitty. Ol balalary erkin ósip, ózin jaily sezinetin jyly uia jasaýdy kózdeidi.

“Iá, bul meniń keńistigim. Jańa úiimniń ár bólshegine nazar aýdaryp, úlken yqylaspen jasalyp jatqan jóndeý jumystarynyń búgingi kúiin kórsetkim kelip tur. Bul rasymen jai ǵana jóndeý emes, biraz jyldarǵa sapaly ári jaily jaǵdai, balalarym úshin ystyq uia bolsa eken degen nietpen jasalyp jatqan eńbek”, – dep jazdy Móldir Muqan.

Onyń aitýynsha, baspananyń interer jobasy aldyn ala ázirlengen. Qazir sol jospar boiynsha jóndeý jumystary júrip jatyr. Óner iesi aldaǵy ýaqytta úidiń qalai ózgerip jatqanyn oqyrmandaryna apta saiyn kórsetip otyrýy múmkin ekenin de jetkizdi.

Móldir Muqan osy iske atsalysyp, qoldaý bildirgen jandarǵa alǵysyn aityp, kópshilikke de baspanaly bolýdy tiledi.

“Armandaǵan úilerińiz, siz oilaǵannan da jaily bolsyn, dostar. Janymnan tabylǵan jaqsy adamdarym, raqmet. Jańa úiimdegi jailylyqty asyǵa kútýdemin”, – dep jazdy prodiýser.

Aita keteiik, Tursynbek Qabatov jubaiy Aimanmen birge ortaǵa shyǵýdan bas tartty.

Móldir Muqan kim? 
 

Móldir Muqan — qazaqstandyq prodiýser, ánshi, aktrisa ári bloger. Ónerge bala kezinen jaqyn bolyp, baýyrlarymen birge «Muqanovtar» otbasylyq ansamblinde óner kórsetken. Óziniń aitýynsha, shyǵarmashylyqqa den qoiǵanǵa deiin memlekettik qyzmette jumys istegen.

Keiin balalarǵa arnalǵan «MM» óner mektebin ashyp, jas talanttardy tárbieleýge atsalysqan.

Prodiýser retinde ánshi ári dombyrashy Aqtoty Bolyshevamen jumys istegen. Ózi de «Ótirik», «Ómir súr qalma elden» ánderin oryndap, «Shai v bolshom gorode» filmine túsken.