Aqtóbe oblysynda qylmystyq-atqarý júiesi mekemesine tyiym salynǵan zatty jasyryn ótkizbek bolǵan azamattyń áreketi áshkerelendi, dep habarlaidy ult.kz.
Polisia.kz málimetinshe, Aqtóbe oblysy boiynsha QAJ departamentiniń №70 mekemesinde jedel bólim qyzmetkerleri rejim jáne kúzet bóliminiń mamandarymen birlesip, tyiym salynǵan zatty mekeme aýmaǵyna jetkizý áreketiniń jolyn kesti.
Tergeý izoliatoryndaǵy azamatqa arnalǵan sálemdemeni tekserý kezinde kartop ezbesiniń ishine jasyrylǵan Nokia uialy telefony men SIM-karta anyqtalyp, tárkilendi.
Atalǵan derek boiynsha tyiym salynǵan zatty ótkizbek bolǵan azamatqa qatysty Qazaqstan Respýblikasy Ákimshilik quqyq buzýshylyq týraly kodeksiniń 481-babynyń 1-bóligi boiynsha ákimshilik hattama toltyryldy. Jinalǵan materialdar tiisti sheshim qabyldaý úshin sotqa joldandy.
Aqtóbe oblysy boiynsha QAJ departamenti túzeý mekemeleriniń aýmaǵyna tyiym salynǵan zattardy ótkizýdiń kez kelgen áreketi qoldanystaǵy zańnamaǵa sáikes jaýapkershilikke ákep soǵatynyn eskertti.
