Túrkiianyń ońtústigindegi Hata provintsiiasynyń Iskenderýn qalasynda jarylys boldy, dep habarlaidy Anadoly agenttigi.
Keleńsiz jaǵdaidyń qalanyń ortalyq bóligindegi Fener kóshesinde oryn alǵany habarlandy. Jarylys aýmaǵynda kólik qozǵalysy toqtatyldy.
Oqiǵa ornyna jedel járdem jáne politsiia bólimsheleriniń kólikteri kelip jetti.
Hatai ákimshiliginiń málimetinshe, eshkim zardap shekpegen.
Ákimshilikten jarylys qaýipsizdik kúshteriniń lańkestik áreket jasady degen kúdik keltirilgen eki er adamnyń biri óltirilgennen keiin oryn alǵany habarlanyp otyr.
Keiinirek Túrkiianyń ishki ister ministri Súleiman Soilý shabýyl jasaýǵa qatysy bar Kúrd jumysshylar partiiasynyń (KJP) eki lańkesi óltirilgenin málimdedi.
