Foto: ashyq derekkóz
Bas prokýratýra men Interpol Ulttyq ortalyq biýrosy QR Syrtqy ister ministrliginiń járdemdesýimen Túrkiia Respýblikasynan birneshe ret alaiaqtyq jasady degen kúdikke ilingen Qazaqstan Respýblikasynyń azamatshasyn elge qaitardy, dep habarlaidy Ult.kz.
Tergeý derekterine sáikes, kúdikti 2024 jyly Qyzylorda qalasynda jábirlenýshilerge zergerlik buiymdardy tómen baǵamen satyp áperemin dep ýáde berip, aldaý arqyly olardyń aqshasyn iemdengen.
Atalǵan qylmystyq áreketterdiń saldarynan 8 adam japa shegip, keltirilgen materialdyq shyǵyn kólemi shamamen 130 mln teńgeni quraǵan.
Qylmys jasaǵannan keiin kúdikti Qazaqstan aýmaǵynan shyǵyp ketip, halyqaralyq izdeýge jariialanǵan. Júrgizilgen jedel-izdestirý is-sharalary barysynda ol Túrkiia Respýblikasynyń aýmaǵynda ustaldy.
Qazirgi ýaqytta kúdikti tergeý izoliatoryna qamaldy. Oǵan taǵylǵan aiyptar boiynsha múlkin tárkileý arqyly 5 jyldan 10 jylǵa deiin bas bostandyǵynan aiyrý jazasy kózdelip otyr.
