فوتو: اشىق دەرەككٶز
باس پروكۋراتۋرا مەن ينتەرپول ۇلتتىق ورتالىق بيۋروسى قر سىرتقى ٸستەر مينيسترلٸگٸنٸڭ جەردەمدەسۋٸمەن تٷركييا رەسپۋبليكاسىنان بٸرنەشە رەت الاياقتىق جاسادى دەگەن كٷدٸككە ٸلٸنگەن قازاقستان رەسپۋبليكاسىنىڭ ازاماتشاسىن ەلگە قايتاردى, دەپ حابارلايدى Ult.kz.
تەرگەۋ دەرەكتەرٸنە سەيكەس, كٷدٸكتٸ 2024 جىلى قىزىلوردا قالاسىندا جەبٸرلەنۋشٸلەرگە زەرگەرلٸك بۇيىمداردى تٶمەن باعامەن ساتىپ ەپەرەمٸن دەپ ۋەدە بەرٸپ, الداۋ ارقىلى ولاردىڭ اقشاسىن يەمدەنگەن.
اتالعان قىلمىستىق ەرەكەتتەردٸڭ سالدارىنان 8 ادام جاپا شەگٸپ, كەلتٸرٸلگەن ماتەريالدىق شىعىن كٶلەمٸ شامامەن 130 ملن تەڭگەنٸ قۇراعان.
قىلمىس جاساعاننان كەيٸن كٷدٸكتٸ قازاقستان اۋماعىنان شىعىپ كەتٸپ, حالىقارالىق ٸزدەۋگە جارييالانعان. جٷرگٸزٸلگەن جەدەل-ٸزدەستٸرۋ ٸس-شارالارى بارىسىندا ول تٷركييا رەسپۋبليكاسىنىڭ اۋماعىندا ۇستالدى.
قازٸرگٸ ۋاقىتتا كٷدٸكتٸ تەرگەۋ يزولياتورىنا قامالدى. وعان تاعىلعان ايىپتار بويىنشا مٷلكٸن تەركٸلەۋ ارقىلى 5 جىلدان 10 جىلعا دەيٸن باس بوستاندىعىنان ايىرۋ جازاسى كٶزدەلٸپ وتىر.
