Izmirdegi jer silkinisinen qaza tapqan turǵyndardyń sany 76 boldy, dep habarlaidy "Ult aqparat" Anadoly agenttigine silteme jasap.
Bul jaiynda Túrkiia úkimeti janyndaǵy tótenshe jaǵdailardyń aldyn alý jáne saldaryn joiý basqarmasy (AFAD) málim etti.
Keshe saǵat 17.20 kezindegi sońǵy aqparatqa sensek, aýrýhanaǵa zilzaladan zardap shekken 940 adam jetkizilgen. Onyń ishinde 722 adam kómek kórsetilgen soń úiine jiberildi. 28 naýqas áli em alyp jatyr.
Qirap qalǵan 8 ǵimaratta qutqarý-izdeý jumysy jalǵasyp jatyr.
Jer silkinisinen keiin 947 aftershok bolǵan, onyń 43-iniń magnitýdasy 4 baldan asty.
Eske sala keteiik, juma kúni Túrkiianyń batysynda 6,6 baldyq jer silkinisi boldy. Jerasty dúmpýi jergilikti ýaqytpen 14.51 kezinde Izmir provintsiiasy Seferhisar aýdanyndaǵy Egei teńiziniń jaǵalaýynda tirkelgen. Zilzala oshaǵy - 16,5 shaqyrym tereńdikte.
Qazaqstan Prezidenti Qasym-Jomart Toqaev elimizdiń Túrkiiadaǵy jer silkinisinen zardap shekkenderge kómektesýge daiyn ekenin jetkizdi.
