11-synyp oqýshysy shalǵaidaǵy aýylda otyryp-aq AQSh-taǵy 8 ýniversitettiń grantyn jeńip aldy, dep habarlaidy QazAqparat.
Janerke Zeilbekova Keles aýdany Birtilek aýyldyq okrýginde ornalasqan №9 Kóltoǵan jalpy orta mektebinde oqidy. 9-synyptan bastap aǵylshyn tilin meńgerýge den qoiǵan. Seminarlar men kýrstarǵa qatysyp, bilimin jetildirýmen keledi. Basty maqsaty Nazarbaev ýniversitetine túsý bolatyn.
Ol byltyr sheteldik ýniversitetter jariialaǵan onlain olimpiadalar men konkýrstarǵa qatysyp, baǵyn synap kóredi. Sonyń nátijesinde AQSh-taǵy 8 ýniversitetten oqýǵa shaqyrtý alyp otyr.
«Janerke - óte zerek oqýshy. Qashyqtyqtan oqý formatyna aýysqan kezde ýaqytyn bosqa ótkizbei, aǵylshyn tili boiynsha sabaqtarǵa qatysyp júrdi. Repetitor jaldap, onlain dáris aldy. Minezi salmaqty, qarapaiym ǵana aýyldyń qyzy. Eshqandai gimnaziia, litsei emes, jái synypta oqidy. Bostan, Niý-Iork, Chikago qalalarynda ornalasqan joǵary oqý oryndarynan shaqyrtý kelipti. Biz aýyl bolyp qatty qýanyp jatyrmyz», - deidi mektep direktory Qaldygúl Tursynbekova.
Qazir Janerke aldaǵy emtihandar men synaqtarǵa daiyndalyp jatyr. Qujattaryn Túrkiia ýniversitetteriniń birine de ótkizip qoiǵan. Bilimdi shákirt jetistikke jetýine sebepshi bolǵan ustazdaryna dán riza. Al ózi keleshekte dáriger bolýǵa talpynyp otyr.
