11-سىنىپ وقۋشىسى شالعايداعى اۋىلدا وتىرىپ-اق اقش-تاعى 8 ۋنيۆەرسيتەتتٸڭ گرانتىن جەڭٸپ الدى, دەپ حابارلايدى قازاقپارات.
جانەركە زەيلبەكوۆا كەلەس اۋدانى بٸرتٸلەك اۋىلدىق وكرۋگٸندە ورنالاسقان №9 كٶلتوعان جالپى ورتا مەكتەبٸندە وقيدى. 9-سىنىپتان باستاپ اعىلشىن تٸلٸن مەڭگەرۋگە دەن قويعان. سەمينارلار مەن كۋرستارعا قاتىسىپ, بٸلٸمٸن جەتٸلدٸرۋمەن كەلەدٸ. باستى ماقساتى نازارباەۆ ۋنيۆەرسيتەتٸنە تٷسۋ بولاتىن.
ول بىلتىر شەتەلدٸك ۋنيۆەرسيتەتتەر جارييالاعان ونلاين وليمپيادالار مەن كونكۋرستارعا قاتىسىپ, باعىن سىناپ كٶرەدٸ. سونىڭ نەتيجەسٸندە اقش-تاعى 8 ۋنيۆەرسيتەتتەن وقۋعا شاقىرتۋ الىپ وتىر.
«جانەركە - ٶتە زەرەك وقۋشى. قاشىقتىقتان وقۋ فورماتىنا اۋىسقان كەزدە ۋاقىتىن بوسقا ٶتكٸزبەي, اعىلشىن تٸلٸ بويىنشا ساباقتارعا قاتىسىپ جٷردٸ. رەپەتيتور جالداپ, ونلاين دەرٸس الدى. مٸنەزٸ سالماقتى, قاراپايىم عانا اۋىلدىڭ قىزى. ەشقانداي گيمنازييا, ليتسەي ەمەس, جەي سىنىپتا وقيدى. بوستان, نيۋ-يورك, چيكاگو قالالارىندا ورنالاسقان جوعارى وقۋ ورىندارىنان شاقىرتۋ كەلٸپتٸ. بٸز اۋىل بولىپ قاتتى قۋانىپ جاتىرمىز», - دەيدٸ مەكتەپ ديرەكتورى قالدىگٷل تۇرسىنبەكوۆا.
قازٸر جانەركە الداعى ەمتيحاندار مەن سىناقتارعا دايىندالىپ جاتىر. قۇجاتتارىن تٷركييا ۋنيۆەرسيتەتتەرٸنٸڭ بٸرٸنە دە ٶتكٸزٸپ قويعان. بٸلٸمدٸ شەكٸرت جەتٸستٸككە جەتۋٸنە سەبەپشٸ بولعان ۇستازدارىنا دەن ريزا. ال ٶزٸ كەلەشەكتە دەرٸگەر بولۋعا تالپىنىپ وتىر.
