Foto: Videodan skrin
Túrkistan oblysy Sairam aýdany Aqsýkent aýylynda er adam súiiktisin óltirdi degen aqparat tarady, dep habarlaidy «Ult aqparat» Stan.kz -ke silteme jasap.
Jelide taraǵan aqparatqa sai, qyz ben jigit bir jylǵa jýyq kezdesip júrgen. Tipti toi kúnin belgilep qoiǵan. Jigit qyzdy kúnde jumysynan alyp qaityp, úiine jetkizip júrgen. Ol 30 maýsym kúni keshki saǵat 18:30-da qyzdy jumysynan alyp, birden óz úiindegi kólikjaiǵa kirgen. Odan keiin ne bolǵany belgisiz. Sarapshylardyń taldaýyna sai, qyz 20:30-da qaitys bolǵan.
Toyota Land Cruiser Prado kóliginiń salonynda 19 jastaǵy Z súiiktisi E-ni uryp-soqqan. Qyz soqqylardan kóz jumǵan. Alaida qylmystyń naqty sebebi habarlanǵan joq.
Túrkistan oblysy politsiia departamentine habarlasyp, atalǵan oqiǵanyń mán-jaiyn bildik.
“Asa aýyr qylmys jasady degen kúdikti ustalyp, ýaqytsha ustaý izoliatoryna qamaýǵa alyndy. Qylmystyq is qozǵaldy. Barlyq qajet saraptama taǵaiyndaldy. Bolǵan oqiǵanyń tolyq mán-jaiy anyqtalyp jatyr”, – delingen habarlamada.
