فوتو: ۆيدەودان سكرين
تٷركٸستان وبلىسى سايرام اۋدانى اقسۋكەنت اۋىلىندا ەر ادام سٷيٸكتٸسٸن ٶلتٸردٸ دەگەن اقپارات تارادى, دەپ حابارلايدى «ۇلت اقپارات» Stan.kz -كە سٸلتەمە جاساپ.
جەلٸدە تاراعان اقپاراتقا ساي, قىز بەن جٸگٸت بٸر جىلعا جۋىق كەزدەسٸپ جٷرگەن. تٸپتٸ توي كٷنٸن بەلگٸلەپ قويعان. جٸگٸت قىزدى كٷندە جۇمىسىنان الىپ قايتىپ, ٷيٸنە جەتكٸزٸپ جٷرگەن. ول 30 ماۋسىم كٷنٸ كەشكٸ ساعات 18:30-دا قىزدى جۇمىسىنان الىپ, بٸردەن ٶز ٷيٸندەگٸ كٶلٸكجايعا كٸرگەن. ودان كەيٸن نە بولعانى بەلگٸسٸز. ساراپشىلاردىڭ تالداۋىنا ساي, قىز 20:30-دا قايتىس بولعان.
Toyota Land Cruiser Prado كٶلٸگٸنٸڭ سالونىندا 19 جاستاعى ز سٷيٸكتٸسٸ ە-نٸ ۇرىپ-سوققان. قىز سوققىلاردان كٶز جۇمعان. الايدا قىلمىستىڭ ناقتى سەبەبٸ حابارلانعان جوق.
تٷركٸستان وبلىسى پوليتسييا دەپارتامەنتٸنە حابارلاسىپ, اتالعان وقيعانىڭ مەن-جايىن بٸلدٸك.
“اسا اۋىر قىلمىس جاسادى دەگەن كٷدٸكتٸ ۇستالىپ, ۋاقىتشا ۇستاۋ يزولياتورىنا قاماۋعا الىندى. قىلمىستىق ٸس قوزعالدى. بارلىق قاجەت ساراپتاما تاعايىندالدى. بولعان وقيعانىڭ تولىق مەن-جايى انىقتالىپ جاتىر”, – دەلٸنگەن حابارلامادا.
