Túrkistan oblysynyń politsiia qyzmetkerleri karantin talaptaryn elemei, kókpar uiymdastyrǵan azamattardy anyqtady, dep habarlaidy "Ult aqparat" Polisia.kz aqparat kózine silteme jasap.
Túrkistan oblysynyń bas sanitarlyq dárigeriniń qaýlysyna sáikes, azamattar karantin talaptaryn saqtap, meditsinalyq maska taǵyp, áleýmettik aralyqty saqtaýy kerek. Óńirdiń mobildi toptary turaqty túrde aldyn alý sharalaryn ótkizip, karantin talaptarynyń buzylmaýyn qadaǵalaýda. Osyndai tekserýlerdiń birinde Tóle bi aýdanynyń politsiia qyzmetkerleri kókpar tartý jaǵdaiyn anyqtaǵan. Tekserý barysynda jergilikti turǵynnyń Alataý aýyldyq okrýginde 100-ge tarta adamdy jinap, kókpar uiymdastyrǵany belgili boldy.
Mobildi toptyń ókilderi jinalǵan azamattarǵa túsindirý jumystaryn júrgizgen, karantin talaptarynyń buzylmaýy kerektigin eskertip, barlyǵyn úilerine tarqatqan.
Dál osyndai jaǵdai Qazyǵurt aýdanynda da tirkelgen eken. Yzabulaq aýylynyń turǵyny jaiylym jerdiń birinde kókpar uiymdastyrǵan. Politsiia qyzmetkerleri ol jerde de túsindirý jumystaryn júrgizdi. Al 80 adamdy jinaǵan azamat jaýapkershilikke tartyldy.
Kókpar uiymdastyrǵan tulǵalar Ákimshilik kodekstiń 425-baby (Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý) boiynsha jaýapkershilikke tartyldy.
