تٷركٸستان وبلىسىنىڭ پوليتسييا قىزمەتكەرلەرٸ كارانتين تالاپتارىن ەلەمەي, كٶكپار ۇيىمداستىرعان ازاماتتاردى انىقتادى, دەپ حابارلايدى "ۇلت اقپارات" Polisia.kz اقپارات كٶزٸنە سٸلتەمە جاساپ.
تٷركٸستان وبلىسىنىڭ باس سانيتارلىق دەرٸگەرٸنٸڭ قاۋلىسىنا سەيكەس, ازاماتتار كارانتين تالاپتارىن ساقتاپ, مەديتسينالىق ماسكا تاعىپ, ەلەۋمەتتٸك ارالىقتى ساقتاۋى كەرەك. ٶڭٸردٸڭ موبيلدٸ توپتارى تۇراقتى تٷردە الدىن الۋ شارالارىن ٶتكٸزٸپ, كارانتين تالاپتارىنىڭ بۇزىلماۋىن قاداعالاۋدا. وسىنداي تەكسەرۋلەردٸڭ بٸرٸندە تٶلە بي اۋدانىنىڭ پوليتسييا قىزمەتكەرلەرٸ كٶكپار تارتۋ جاعدايىن انىقتاعان. تەكسەرۋ بارىسىندا جەرگٸلٸكتٸ تۇرعىننىڭ الاتاۋ اۋىلدىق وكرۋگٸندە 100-گە تارتا ادامدى جيناپ, كٶكپار ۇيىمداستىرعانى بەلگٸلٸ بولدى.
موبيلدٸ توپتىڭ ٶكٸلدەرٸ جينالعان ازاماتتارعا تٷسٸندٸرۋ جۇمىستارىن جٷرگٸزگەن, كارانتين تالاپتارىنىڭ بۇزىلماۋى كەرەكتٸگٸن ەسكەرتٸپ, بارلىعىن ٷيلەرٸنە تارقاتقان.
دەل وسىنداي جاعداي قازىعۇرت اۋدانىندا دا تٸركەلگەن ەكەن. ىزابۇلاق اۋىلىنىڭ تۇرعىنى جايىلىم جەردٸڭ بٸرٸندە كٶكپار ۇيىمداستىرعان. پوليتسييا قىزمەتكەرلەرٸ ول جەردە دە تٷسٸندٸرۋ جۇمىستارىن جٷرگٸزدٸ. ال 80 ادامدى جيناعان ازامات جاۋاپكەرشٸلٸككە تارتىلدى.
كٶكپار ۇيىمداستىرعان تۇلعالار ەكٸمشٸلٸك كودەكستٸڭ 425-بابى (حالىقتىڭ سانيتارييالىق-ەپيدەميولوگييالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) بويىنشا جاۋاپكەرشٸلٸككە تارتىلدى.
