Túrkistan oblysynda koronavirýsqa qarsy vaktsinatsiia bastaldy, dep habarlaidy "Ult aqparat".
Málim etilgendei, reseilik Sputnik V vaktsinasyn alǵashqy bolyp oblys ákiminiń orynbasary Arman Sábitov, Qoǵamdyq densaýlyq basqarmasynyń basshysy Marat Pashimov, bas sanitarlyq dáriger Nurbek Nyshanov saldyrdy.
«Aldymen olar dárigerlerge qaraldy. Vaktsinatsiia Túrkistan qalasyndaǵy ortalyq emhanada ótti. Vaktsina alǵannan keiin 30 minýt boiy dárigerler baqylaýynda boldy. Túrkistan oblysynda búgin 250 adamǵa vaktsina salý josparlanǵan», - dedi ákimdiktiń baspasóz qyzmetinen.
Aita keteiik, Qazaqstanda 1 aqpannan bastap koronavirýsqa qarsy erikti túrde vaktsinalaý bastaldy. Reseide óndirilgen Sputnik V vaktsinasynyń birinshi partiiasy Túrkistan oblysyna 1300 doza mólsherinde jetkizilip, barlyq aýdandarǵa taratyldy. Buryn qol jetkizilgen kelisimder negizinde Qaraǵandy farmatsevtikalyq kesheni vaktsinalardyń alǵashqy partiiasyn jetkizýdi júzege asyrdy.
Eske salaiyq, vaktsinany tek kámeletke tolǵan Qazaqstan azamattary ǵana ala alady. Oblysta koronavirýsqa qarsy vaktsinatsiia 2021 jyldyń sońyna deiin jalǵasady. Oǵan 950 myń adam qatysady dep josparlanýda. Birinshi kezeńde infektsiialyq aýrýhanalardyń, jedel meditsinalyq járdemniń, reanimatsiia bólimsheleriniń, qabyldaý bólimderiniń meditsina qyzmetkerleri vaktsinalanady.
Profilaktikalyq egýge qarsy kórsetilimderi joq adamdar jiberiledi. Aldymen azamattar dárigerdiń mindetti tekserýinen ótedi. Túrkistan oblysynda egý pýnkteriniń daiyndyǵy tekserilip, profilaktikalyq egýlerdi júrgizý máseleleri boiynsha standartty manipýliatsiialar bekitildi. Meditsina qyzmetkerleri oqytyldy.
«Aitpa keteiik, vaktsinatsiia koronavirýstyń odan ári taralýyna jol bermei, qatań lokdaýn engizbeýdiń jalǵyz balamasy bolyp tabylady», - dedi Túrkistan oblysy ákiminiń baspasóz qyzmetinen.
