تٷركٸستان وبلىسىندا كوروناۆيرۋسقا قارسى ۆاكتسيناتسييا باستالدى, دەپ حابارلايدى "ۇلت اقپارات".
مەلٸم ەتٸلگەندەي, رەسەيلٸك Sputnik V ۆاكتسيناسىن العاشقى بولىپ وبلىس ەكٸمٸنٸڭ ورىنباسارى ارمان سەبيتوۆ, قوعامدىق دەنساۋلىق باسقارماسىنىڭ باسشىسى مارات پاشيموۆ, باس سانيتارلىق دەرٸگەر نۇربەك نىشانوۆ سالدىردى.
«الدىمەن ولار دەرٸگەرلەرگە قارالدى. ۆاكتسيناتسييا تٷركٸستان قالاسىنداعى ورتالىق ەمحانادا ٶتتٸ. ۆاكتسينا العاننان كەيٸن 30 مينۋت بويى دەرٸگەرلەر باقىلاۋىندا بولدى. تٷركٸستان وبلىسىندا بٷگٸن 250 ادامعا ۆاكتسينا سالۋ جوسپارلانعان», - دەدٸ ەكٸمدٸكتٸڭ باسپاسٶز قىزمەتٸنەن.
ايتا كەتەيٸك, قازاقستاندا 1 اقپاننان باستاپ كوروناۆيرۋسقا قارسى ەرٸكتٸ تٷردە ۆاكتسينالاۋ باستالدى. رەسەيدە ٶندٸرٸلگەن Sputnik V ۆاكتسيناسىنىڭ بٸرٸنشٸ پارتيياسى تٷركٸستان وبلىسىنا 1300 دوزا مٶلشەرٸندە جەتكٸزٸلٸپ, بارلىق اۋداندارعا تاراتىلدى. بۇرىن قول جەتكٸزٸلگەن كەلٸسٸمدەر نەگٸزٸندە قاراعاندى فارماتسەۆتيكالىق كەشەنٸ ۆاكتسينالاردىڭ العاشقى پارتيياسىن جەتكٸزۋدٸ جٷزەگە اسىردى.
ەسكە سالايىق, ۆاكتسينانى تەك كەمەلەتكە تولعان قازاقستان ازاماتتارى عانا الا الادى. وبلىستا كوروناۆيرۋسقا قارسى ۆاكتسيناتسييا 2021 جىلدىڭ سوڭىنا دەيٸن جالعاسادى. وعان 950 مىڭ ادام قاتىسادى دەپ جوسپارلانۋدا. بٸرٸنشٸ كەزەڭدە ينفەكتسييالىق اۋرۋحانالاردىڭ, جەدەل مەديتسينالىق جەردەمنٸڭ, رەانيماتسييا بٶلٸمشەلەرٸنٸڭ, قابىلداۋ بٶلٸمدەرٸنٸڭ مەديتسينا قىزمەتكەرلەرٸ ۆاكتسينالانادى.
پروفيلاكتيكالىق ەگۋگە قارسى كٶرسەتٸلٸمدەرٸ جوق ادامدار جٸبەرٸلەدٸ. الدىمەن ازاماتتار دەرٸگەردٸڭ مٸندەتتٸ تەكسەرۋٸنەن ٶتەدٸ. تٷركٸستان وبلىسىندا ەگۋ پۋنكتەرٸنٸڭ دايىندىعى تەكسەرٸلٸپ, پروفيلاكتيكالىق ەگۋلەردٸ جٷرگٸزۋ مەسەلەلەرٸ بويىنشا ستاندارتتى مانيپۋلياتسييالار بەكٸتٸلدٸ. مەديتسينا قىزمەتكەرلەرٸ وقىتىلدى.
«ايتپا كەتەيٸك, ۆاكتسيناتسييا كوروناۆيرۋستىڭ ودان ەرٸ تارالۋىنا جول بەرمەي, قاتاڭ لوكداۋن ەنگٸزبەۋدٸڭ جالعىز بالاماسى بولىپ تابىلادى», - دەدٸ تٷركٸستان وبلىسى ەكٸمٸنٸڭ باسپاسٶز قىزمەتٸنەن.
