QR Kólik ministrligi turaqty negizde ushý geografiiasyn keńeitý jáne qoldanystaǵy baǵyttar boiynsha reister sanyn arttyrý jumystaryn júrgizýde. Aǵymdaǵy jyldyń 31 shildesinen bastap Qazaqstannyń áýe tasymaldary naryǵyna Túrkiianyń SunExpress áýe kompaniiasy kiredi, dep habarlaidy ult.kz vedomstvonyń baspasóz qyzmetine silteme jasap.
Áýe kompaniiasy Almaty – Izmir baǵyty boiynsha tikelei turaqty jolaýshylar reisterin oryndai bastaidy. Reister aptasyna 2 ret (seisenbi, juma) Boeing 737 tipti áýe kemelerimen júzege asyrylady.
Qazaqstan men Túrkiia arasyndaǵy áýe qatynasynyń ashylýy elder arasyndaǵy saýda-ekonomikalyq, iskerlik, investitsiialyq, týristik jáne mádeni yntymaqtastyqty odan ári damytýǵa yqpal etedi.
