Foto: QR OAM
Jumysshy mamandyqtar jyly aiasynda Qazaqstannyń bastamasymen uiymdastyrylǵan alǵashqy TurkicSkills 2025 kásibi sheberlik chempionaty kolledjder men biznes qaýymdastyq úshin mańyzdy yntymaqtastyq alańyna ainaldy, dep habarlaidy Ult.kz.
Chempionat aiasynda kolledjder kásiporyndarmen, sheteldik kolledjdermen 100-ge jýyq yntymaqtastyq memorandýmyna qol jetkizdi. Olar tehnikalyq jáne kásiptik bilim berý júiesine jańa tehnologiialardy, innovatsiialyq jobalardy, zamanaýi oqytý ádistemelerin engizýge, WorldSkills qozǵalysyn damytýǵa, tájiribe almasýǵa, sondai-aq birlesken jobalar men sheberlik synyptaryn uiymdastyrýǵa baǵyttalǵan.
«Bul kelisimder stýdentterimizge kásibi daǵdylaryn jetildirýge, halyqaralyq standarttarǵa sáikes tájiribe jinaqtaýǵa jáne eńbek naryǵynda óz ornyn tabýǵa jańa múmkindikter ashady. Sonymen qatar, bilim berý sapasyn arttyrýǵa jáne zamanaýi óndiris talaptaryna sai bilikti mamandar daiarlaýǵa baǵyttalǵan mańyzdy qadam bolyp tabylady», — deidi «Talap» KeAQ prezidenti Sanjar Tátibekov.
Atap aitar bolsaq, Oqý-aǵartý ministrliginiń «Talap» kommertsiialyq emes aktsionerlik qoǵamy robototehnika salasynda «Dosti» kompaniialar toby JShS tehnikalyq jáne kásiptik, orta bilimnen keiingi bilim berýdi damytý maqsatynda ózara yntymaqtastyq týraly memorandýmǵa qol qoidy. Sonymen qatar, H. Ózbekqaliev atyndaǵy Mańǵystaý joǵary politehnikalyq kolledji men «KidsGo Technology Ltd.» kompaniiasy arasynda aqparattyq tehnologiialar, jasandy intellekt, robototehnika jáne tsifrlyq bilim berý baǵdarlamalary salasynda yntymaqtastyq ornatyldy.
Aita keteiik, halyqaralyq TurkicSkills 2025 kásibi sheberlik chempionatyna Qazaqstan, Túrkiia, Ázerbaijan, Majarstan, Ózbekstan jáne Qyrǵyzstan elderinen 16-22 jas aralyǵyndaǵy 70-ke jýyq stýdent pen jas maman, sondai-aq 90-ǵa jýyq joǵary bilikti sarapshy qatysýda.
.jpeg)