فوتو: قر وام
جۇمىسشى ماماندىقتار جىلى اياسىندا قازاقستاننىڭ باستاماسىمەن ۇيىمداستىرىلعان العاشقى TurkicSkills 2025 كەسٸبي شەبەرلٸك چەمپيوناتى كوللەدجدەر مەن بيزنەس قاۋىمداستىق ٷشٸن ماڭىزدى ىنتىماقتاستىق الاڭىنا اينالدى, دەپ حابارلايدى Ult.kz.
چەمپيونات اياسىندا كوللەدجدەر كەسٸپورىندارمەن, شەتەلدٸك كوللەدجدەرمەن 100-گە جۋىق ىنتىماقتاستىق مەموراندۋمىنا قول جەتكٸزدٸ. ولار تەحنيكالىق جەنە كەسٸپتٸك بٸلٸم بەرۋ جٷيەسٸنە جاڭا تەحنولوگييالاردى, يننوۆاتسييالىق جوبالاردى, زاماناۋي وقىتۋ ەدٸستەمەلەرٸن ەنگٸزۋگە, WorldSkills قوزعالىسىن دامىتۋعا, تەجٸريبە الماسۋعا, سونداي-اق بٸرلەسكەن جوبالار مەن شەبەرلٸك سىنىپتارىن ۇيىمداستىرۋعا باعىتتالعان.
«بۇل كەلٸسٸمدەر ستۋدەنتتەرٸمٸزگە كەسٸبي داعدىلارىن جەتٸلدٸرۋگە, حالىقارالىق ستاندارتتارعا سەيكەس تەجٸريبە جيناقتاۋعا جەنە ەڭبەك نارىعىندا ٶز ورنىن تابۋعا جاڭا مٷمكٸندٸكتەر اشادى. سونىمەن قاتار, بٸلٸم بەرۋ ساپاسىن ارتتىرۋعا جەنە زاماناۋي ٶندٸرٸس تالاپتارىنا ساي بٸلٸكتٸ ماماندار دايارلاۋعا باعىتتالعان ماڭىزدى قادام بولىپ تابىلادى», — دەيدٸ «Talap» كەاق پرەزيدەنتٸ سانجار تەتٸبەكوۆ.
اتاپ ايتار بولساق, وقۋ-اعارتۋ مينيسترلٸگٸنٸڭ «Talap» كوممەرتسييالىق ەمەس اكتسيونەرلٸك قوعامى روبوتوتەحنيكا سالاسىندا «Dosti» كومپانييالار توبى جشس تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸم بەرۋدٸ دامىتۋ ماقساتىندا ٶزارا ىنتىماقتاستىق تۋرالى مەموراندۋمعا قول قويدى. سونىمەن قاتار, ح. ٶزبەكقاليەۆ اتىنداعى ماڭعىستاۋ جوعارى پوليتەحنيكالىق كوللەدجٸ مەن «KidsGo Technology Ltd.» كومپانيياسى اراسىندا اقپاراتتىق تەحنولوگييالار, جاساندى ينتەللەكت, روبوتوتەحنيكا جەنە تسيفرلىق بٸلٸم بەرۋ باعدارلامالارى سالاسىندا ىنتىماقتاستىق ورناتىلدى.
ايتا كەتەيٸك, حالىقارالىق TurkicSkills 2025 كەسٸبي شەبەرلٸك چەمپيوناتىنا قازاقستان, تٷركييا, ەزەربايجان, ماجارستان, ٶزبەكستان جەنە قىرعىزستان ەلدەرٸنەن 16-22 جاس ارالىعىنداعى 70-كە جۋىق ستۋدەنت پەن جاس مامان, سونداي-اق 90-عا جۋىق جوعارى بٸلٸكتٸ ساراپشى قاتىسۋدا.
.jpeg)