Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi Túrkitildes memleketterdiń yntymaqtastyq keńesiniń (Túrki keńesi) Bas hatshysy Baǵdad Ámireevpen kelissózder ótkizdi, dep habarlaidy QR SIM baspasóz qyzmeti.
Kezdesý barysynda Túrki keńesiniń kún tártibindegi ózekti máseleler qarastyrylyp, onyń 2021 jyly Túrkistanda ótýi josparlanǵan beiresmi sammitine daiyndyq jumystary talqylandy.
Túrki keńesi Qazaqstan Respýblikasynyń Tuńǵysh Prezidenti – Elbasy, Túrki keńesiniń Qurmetti tóraǵasy Nursultan Nazarbaevtyń bastamasymen 2009 jyly 3 qazanda quryldy. Halyqaralyq uiymnyń shtab-páteri Ystanbul qalasynda ornalasqan. Uiymnyń músheleri Qazaqstan, Ázerbaijan, Qyrǵyzstan, Túrkiia, Ózbekstan, al Majarstan baqylaýshy mártebesine ie.
