قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ تٷركٸتٸلدەس مەملەكەتتەردٸڭ ىنتىماقتاستىق كەڭەسٸنٸڭ (تٷركٸ كەڭەسٸ) باس حاتشىسى باعداد ەمٸرەەۆپەن كەلٸسسٶزدەر ٶتكٸزدٸ, دەپ حابارلايدى قر سٸم باسپاسٶز قىزمەتٸ.
كەزدەسۋ بارىسىندا تٷركٸ كەڭەسٸنٸڭ كٷن تەرتٸبٸندەگٸ ٶزەكتٸ مەسەلەلەر قاراستىرىلىپ, ونىڭ 2021 جىلى تٷركٸستاندا ٶتۋٸ جوسپارلانعان بەيرەسمي سامميتٸنە دايىندىق جۇمىستارى تالقىلاندى.
تٷركٸ كەڭەسٸ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى, تٷركٸ كەڭەسٸنٸڭ قۇرمەتتٸ تٶراعاسى نۇرسۇلتان نازارباەۆتىڭ باستاماسىمەن 2009 جىلى 3 قازاندا قۇرىلدى. حالىقارالىق ۇيىمنىڭ شتاب-پەتەرٸ ىستانبۇل قالاسىندا ورنالاسقان. ۇيىمنىڭ مٷشەلەرٸ قازاقستان, ەزەربايجان, قىرعىزستان, تٷركييا, ٶزبەكستان, ال ماجارستان باقىلاۋشى مەرتەبەسٸنە يە.
