Almaty oblysynda turǵyndar sailaǵan Talǵar qalasynyń ákimi Qairat Isabaev qyzmetinen ketti, - dep habarlaidy Tengrinews.kz.
Sheneýniktiń qyzmetinen ketkeni týraly aqparat áleýmettik jelilerde paida boldy. Talǵar aýdany ákimdigi derekterdi rastaý nemese joqqa shyǵarý úshin jergilikti sailaý komissiiasyna habarlasýdy surady.
"Aýdan ákimdiginiń bul jaǵdaiǵa qatysty pikir bildirýge quqyǵy joq, óitkeni Qairat Isabaev halyq daýysy arqyly sailanǵan. Sondyqtan Talǵar aýdanynyń aýmaqtyq sailaý komissiiasyna ótinish joldaýyńyzdy suraimyz", - dedi ákimdiktegiler.
Bul rette sailaý komissiiasynyń tóraǵasy Muhit Dúisebaev bul aqparatqa qatysty pikir bildirdi.
"Keshe, 5 sáýirde Qairat Isabaev óz ótinishi boiynsha qyzmetinen ketý týraly aryz jazdy. Ol densaýlyq jaǵdaiyna silteme jasap otyr. Onyń ókiletin toqtatý týraly sheshim búgin, 6 sáýirde shyǵady", - dedi Dúisebaev Talgarnewskz tilshisine.
Eske salaiyq, byltyr qarashada ótken qala ákimin sailaýda Qairat Isabaev jeńiske jetken bolatyn. Ol kezde sailaýshylardyń 58 paiyzy daýys berdi, Isabaev 53,5 paiyz daýysqa ie boldy. Ákim laýazymyna barlyǵy úsh adam úmitker bolǵan.
