Qyzylorda qalasynyń 54 jastaǵy turǵyny týǵan inisin pyshaqtap óltirgeni úshin toǵyz jylǵa bas bostandyǵynan aiyryldy, dep habarlaidy "Ult aqparat".
Oqiǵa biylǵy jyldyń 30 naýryzynda bolǵan. Sol kúni qala turǵyny alkogoldi mas kúide óz páterinde týǵan inisimen sózge kelip qalady. Aǵasy odan ishimdik taýyp berýin suraidy.
Ózara kikiljiń kezide 54 jastaǵy aǵasy páterde bolǵan tanysynyń kózinshe oryndyqta otyrǵan inisiniń sol jaq moiyn tusyna pyshaq suqqan. Aýyr dene jaraqatynan inisi oqiǵa ornynda kóz jumdy.
«Sottalǵannyń jasaǵan kinási is boiynsha jinaqtaldy. Ol sot májilisinde jan-jaqty, tolyq, obektivti baǵalandy. Onyń qylmysy zattai dáleldermen, saraptama qorytyndysymen dáleldendi. Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen 54 jastaǵy qala turǵyny Qylmystyq kodekstiń 99-baby 1-bóligimen kináli dep tanylyp, 9 jyl bas bostandyǵynan aiyrý jazasyna sottaldy», - dedi Qyzylorda oblysy prokýrorynyń aǵa kómekshisi, ádilet keńesshisi Saia Temirbekova.
