قىزىلوردا قالاسىنىڭ 54 جاستاعى تۇرعىنى تۋعان ٸنٸسٸن پىشاقتاپ ٶلتٸرگەنٸ ٷشٸن توعىز جىلعا باس بوستاندىعىنان ايىرىلدى, دەپ حابارلايدى "ۇلت اقپارات".
وقيعا بيىلعى جىلدىڭ 30 ناۋرىزىندا بولعان. سول كٷنٸ قالا تۇرعىنى الكوگولدٸ ماس كٷيدە ٶز پەتەرٸندە تۋعان ٸنٸسٸمەن سٶزگە كەلٸپ قالادى. اعاسى ودان ٸشٸمدٸك تاۋىپ بەرۋٸن سۇرايدى.
ٶزارا كيكٸلجٸڭ كەزٸدە 54 جاستاعى اعاسى پەتەردە بولعان تانىسىنىڭ كٶزٸنشە ورىندىقتا وتىرعان ٸنٸسٸنٸڭ سول جاق مويىن تۇسىنا پىشاق سۇققان. اۋىر دەنە جاراقاتىنان ٸنٸسٸ وقيعا ورنىندا كٶز جۇمدى.
«سوتتالعاننىڭ جاساعان كٸنەسٸ ٸس بويىنشا جيناقتالدى. ول سوت مەجٸلٸسٸندە جان-جاقتى, تولىق, وبەكتيۆتٸ باعالاندى. ونىڭ قىلمىسى زاتتاي دەلەلدەرمەن, ساراپتاما قورىتىندىسىمەن دەلەلدەندٸ. قىزىلوردا وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸمەن 54 جاستاعى قالا تۇرعىنى قىلمىستىق كودەكستٸڭ 99-بابى 1-بٶلٸگٸمەن كٸنەلٸ دەپ تانىلىپ, 9 جىل باس بوستاندىعىنان ايىرۋ جازاسىنا سوتتالدى», - دەدٸ قىزىلوردا وبلىسى پروكۋرورىنىڭ اعا كٶمەكشٸسٸ, ەدٸلەت كەڭەسشٸسٸ سايا تەمٸربەكوۆا.
