Úkimettiń keńeitilgen otyrysynda Memleket basshysy Qasym-Jomart Toqaev Densaýlyq saqtaý ministri Aleksei Tsoidan «SQ-Farmatsiia» kompaniiasynyń mindettemelerin qaita qaraý jónindegi tapsyrmasy qalai oryndalyp jatqanyn surady, dep habarlaidy QazAqparat.
«SQ-Farmatsiia» kompaniiasynyń qandai syn aitylǵanyn bilesizder. Ol jerge salmaqty reforma kerek. Osyǵan bailanysty ne isteldi?» - dedi Prezident.
Bul suraqqa jaýap bergen Densaýlyq saqtaý ministri kompaniianyń jemqorlyq táýekelderine ishki taldaý jumystary júrgizilgenin málim etti.
«Qazirgi ýaqytta sizdiń tapsyrmańyzdy oryndaýdyń naqty jospary qurylǵan. Ol Sybailas jemqorlyqqa qarsy is-qimyl agenttiginiń baqylaýynda. Biz qoǵamdyq jumys tobyn qurdyq. 23 adamnan turatyn jumys tobyna azamattyq qoǵamnyń, qaýymdastyqtardyń ókilderi men depýtattar kirdi. Bizdiń baqylaýshy onyń quramyna qoǵam ókilderin de engizdi. Bul rette dári-dármekti saqtaý men tasymaldaý jumysynyń elektrondy satyp alý tártibine kóshkenin óte mańyzdy másele dep aitar edim. Biyl dári-dármekti satyp alý sharýasyn tolyǵymen avtomattanryýdy kózdep otyrmyz. Osynyń arqasynda ótken jyldan qaraǵanda birshama qarajatty únemdei alamyz», - dedi ol.
