ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ دەنساۋلىق ساقتاۋ مينيسترٸ الەكسەي تسويدان «سق-فارماتسييا» كومپانيياسىنىڭ مٸندەتتەمەلەرٸن قايتا قاراۋ جٶنٸندەگٸ تاپسىرماسى قالاي ورىندالىپ جاتقانىن سۇرادى, دەپ حابارلايدى قازاقپارات.
«سق-فارماتسييا» كومپانيياسىنىڭ قانداي سىن ايتىلعانىن بٸلەسٸزدەر. ول جەرگە سالماقتى رەفورما كەرەك. وسىعان بايلانىستى نە ٸستەلدٸ?» - دەدٸ پرەزيدەنت.
بۇل سۇراققا جاۋاپ بەرگەن دەنساۋلىق ساقتاۋ مينيسترٸ كومپانييانىڭ جەمقورلىق تەۋەكەلدەرٸنە ٸشكٸ تالداۋ جۇمىستارى جٷرگٸزٸلگەنٸن مەلٸم ەتتٸ.
«قازٸرگٸ ۋاقىتتا سٸزدٸڭ تاپسىرماڭىزدى ورىنداۋدىڭ ناقتى جوسپارى قۇرىلعان. ول سىبايلاس جەمقورلىققا قارسى ٸس-قيمىل اگەنتتٸگٸنٸڭ باقىلاۋىندا. بٸز قوعامدىق جۇمىس توبىن قۇردىق. 23 ادامنان تۇراتىن جۇمىس توبىنا ازاماتتىق قوعامنىڭ, قاۋىمداستىقتاردىڭ ٶكٸلدەرٸ مەن دەپۋتاتتار كٸردٸ. بٸزدٸڭ باقىلاۋشى ونىڭ قۇرامىنا قوعام ٶكٸلدەرٸن دە ەنگٸزدٸ. بۇل رەتتە دەرٸ-دەرمەكتٸ ساقتاۋ مەن تاسىمالداۋ جۇمىسىنىڭ ەلەكتروندى ساتىپ الۋ تەرتٸبٸنە كٶشكەنٸن ٶتە ماڭىزدى مەسەلە دەپ ايتار ەدٸم. بيىل دەرٸ-دەرمەكتٸ ساتىپ الۋ شارۋاسىن تولىعىمەن اۆتوماتتانرىۋدى كٶزدەپ وتىرمىز. وسىنىڭ ارقاسىندا ٶتكەن جىلدان قاراعاندا بٸرشاما قاراجاتتى ٷنەمدەي الامىز», - دەدٸ ول.
