Salyq Kodeksine engizilgen ózgeristerge sáikes 2022 jyldyń 1 qańtarynan bastap tsifrlyq maining úshin tólemaqy engizildi. Bul týraly QazAqparat QR QM Memlekettik kirister komitetine silteme jasap habarlaidy.
Tólemaqyny tóleý tártibi Salyq kodeksiniń 69-taraýynyń 11-paragrafymen retteledi.
Tsifrlyq mainingti júzege asyratyn tulǵalar tólemaqy tóleýshiler bolyp tabylady jáne tólem qyzmetti júzege asyrý kezinde tutynylǵan elektr energiiasynyń naqty kólemi úshin alynady.
Tólemaqy somasy elektr energiiasynyń naqty kólemine súiene otyryp esepteledi, tólemaqy stavkasy elektr energiiasynyń 1 kilovatt-saǵaty úshin 1 teńge mólsherinde aiqyndalady (kVt/saǵ sany*1 teńge).
«Tólemaqyny esepteý úshin salyq kezeńi - toqsan bolyp tabylady. Tsifrlyq maining úshin aqy tóleý Respýblikalyq biýdjetke 105 317 Biýdjettik synyptama kodyna (BSK) júrgiziledi. Tólemaqy tóleýshiler tólemaqy somasyn biýdjetke toqsan saiyn esepti toqsannan keiingi aidyń 20-kúninen keshiktirmei tóleidi. Mysaly, 2022 jyldyń birinshi toqsany úshin tólemaqyny 2022 jyldyń 20 sáýirinen keshiktirmei tóleý qajet», - dep atap ótti QR QM MKK-de.
Tóleýshiler tólemdi tsifrlyq maining qyzmetin júzege asyrý orny boiynsha (tsifrlyq mainingke arnalǵan jabdyqty ornalastyrý orny boiynsha) tóleidi. Bul rette tsifrlyq maining úshin tólem boiynsha salyq eseptiligin tapsyrý Salyq kodeksinde kózdelmegen.
