سالىق كودەكسٸنە ەنگٸزٸلگەن ٶزگەرٸستەرگە سەيكەس 2022 جىلدىڭ 1 قاڭتارىنان باستاپ تسيفرلىق ماينينگ ٷشٸن تٶلەماقى ەنگٸزٸلدٸ. بۇل تۋرالى قازاقپارات قر قم مەملەكەتتٸك كٸرٸستەر كوميتەتٸنە سٸلتەمە جاساپ حابارلايدى.
تٶلەماقىنى تٶلەۋ تەرتٸبٸ سالىق كودەكسٸنٸڭ 69-تاراۋىنىڭ 11-پاراگرافىمەن رەتتەلەدٸ.
تسيفرلىق ماينينگتٸ جٷزەگە اسىراتىن تۇلعالار تٶلەماقى تٶلەۋشٸلەر بولىپ تابىلادى جەنە تٶلەم قىزمەتتٸ جٷزەگە اسىرۋ كەزٸندە تۇتىنىلعان ەلەكتر ەنەرگيياسىنىڭ ناقتى كٶلەمٸ ٷشٸن الىنادى.
تٶلەماقى سوماسى ەلەكتر ەنەرگيياسىنىڭ ناقتى كٶلەمٸنە سٷيەنە وتىرىپ ەسەپتەلەدٸ, تٶلەماقى ستاۆكاسى ەلەكتر ەنەرگيياسىنىڭ 1 كيلوۆاتت-ساعاتى ٷشٸن 1 تەڭگە مٶلشەرٸندە ايقىندالادى (كۆت/ساع سانى*1 تەڭگە).
«تٶلەماقىنى ەسەپتەۋ ٷشٸن سالىق كەزەڭٸ - توقسان بولىپ تابىلادى. تسيفرلىق ماينينگ ٷشٸن اقى تٶلەۋ رەسپۋبليكالىق بيۋدجەتكە 105 317 بيۋدجەتتٸك سىنىپتاما كودىنا (بسك) جٷرگٸزٸلەدٸ. تٶلەماقى تٶلەۋشٸلەر تٶلەماقى سوماسىن بيۋدجەتكە توقسان سايىن ەسەپتٸ توقساننان كەيٸنگٸ ايدىڭ 20-كٷنٸنەن كەشٸكتٸرمەي تٶلەيدٸ. مىسالى, 2022 جىلدىڭ بٸرٸنشٸ توقسانى ٷشٸن تٶلەماقىنى 2022 جىلدىڭ 20 سەۋٸرٸنەن كەشٸكتٸرمەي تٶلەۋ قاجەت», - دەپ اتاپ ٶتتٸ قر قم مكك-دە.
تٶلەۋشٸلەر تٶلەمدٸ تسيفرلىق ماينينگ قىزمەتٸن جٷزەگە اسىرۋ ورنى بويىنشا (تسيفرلىق ماينينگكە ارنالعان جابدىقتى ورنالاستىرۋ ورنى بويىنشا) تٶلەيدٸ. بۇل رەتتە تسيفرلىق ماينينگ ٷشٸن تٶلەم بويىنشا سالىق ەسەپتٸلٸگٸن تاپسىرۋ سالىق كودەكسٸندە كٶزدەلمەگەن.
