Búgin «Tsesnabank» AQ ataýy «First Heartland Jýsan Bank» AQ bolyp ózgerdi, dep habarlaidy "Ult aqparat" banktiń saityna silteme jasap.
«Uly dalanyń oianýy men jańarýynan belgi beretin jýsannyń hosh isin bárimiz bilemiz. Shyndyǵynda, ol - bizdiń Otanymyzdyń isi. Bizdiń banktiń qazaq latyn álipbiindegi aty qundylyqtarymyzdy órnekteidi», - deidi banktiń basqarma tóraǵasy Bekjan Pirmatov.
Rebrending týraly sheshim banktiń jańa biznes strategiiasy aiasynda qabyldanǵan. Biyl jyl boiy syrtqy jarnama elementteri almastyrylyp, Jýsan Bank logotipi men banktiń jańa ónimderi jazylady.
«Biz tranzittik kezeńnen sátti óttik. Bankti tolyq saýyqtyryp, básekege tózimdi jańa nesie ónimderin shyǵardyq. 1 sáýir kúngi derek boiynsha, bank likvidtigi joǵary aktivterdiń úlesi boiynsha naryq kóshbasshylarynyń úshtigine kiredi», - dedi B. Pirmatov.
Eske sala keteiik, 2019 jyly aqpan aiynda «Nazarbaev Ýnversiteti», «Nazarbaev Ziiatkerlik mektebi» avtonomdyq uiymdarynyń qarjylyq holding kompaniiasynyń investitsiialyq bólimshesi «First Heartland Securities» AQ «Tsesnabank» AQ qarapaiym aktsiialarynyń 99.5%-yn satyp alǵan bolatyn.
