بٷگٸن «تسەسنابانك» اق اتاۋى «First Heartland Jýsan Bank» اق بولىپ ٶزگەردٸ, دەپ حابارلايدى "ۇلت اقپارات" بانكتٸڭ سايتىنا سٸلتەمە جاساپ.
«ۇلى دالانىڭ ويانۋى مەن جاڭارۋىنان بەلگٸ بەرەتٸن جۋساننىڭ حوش يسٸن بەرٸمٸز بٸلەمٸز. شىندىعىندا, ول - بٸزدٸڭ وتانىمىزدىڭ يسٸ. بٸزدٸڭ بانكتٸڭ قازاق لاتىن ەلٸپبيٸندەگٸ اتى قۇندىلىقتارىمىزدى ٶرنەكتەيدٸ», - دەيدٸ بانكتٸڭ باسقارما تٶراعاسى بەكجان پٸرماتوۆ.
رەبرەندينگ تۋرالى شەشٸم بانكتٸڭ جاڭا بيزنەس ستراتەگيياسى اياسىندا قابىلدانعان. بيىل جىل بويى سىرتقى جارناما ەلەمەنتتەرٸ الماستىرىلىپ, Jýsan Bank لوگوتيپٸ مەن بانكتٸڭ جاڭا ٶنٸمدەرٸ جازىلادى.
«بٸز ترانزيتتٸك كەزەڭنەن سەتتٸ ٶتتٸك. بانكتٸ تولىق ساۋىقتىرىپ, بەسەكەگە تٶزٸمدٸ جاڭا نەسيە ٶنٸمدەرٸن شىعاردىق. 1 سەۋٸر كٷنگٸ دەرەك بويىنشا, بانك ليكۆيدتٸگٸ جوعارى اكتيۆتەردٸڭ ٷلەسٸ بويىنشا نارىق كٶشباسشىلارىنىڭ ٷشتٸگٸنە كٸرەدٸ», - دەدٸ ب. پٸرماتوۆ.
ەسكە سالا كەتەيٸك, 2019 جىلى اقپان ايىندا «نازارباەۆ ۋنۆەرسيتەتٸ», «نازارباەۆ زيياتكەرلٸك مەكتەبٸ» اۆتونومدىق ۇيىمدارىنىڭ قارجىلىق حولدينگ كومپانيياسىنىڭ ينۆەستيتسييالىق بٶلٸمشەسٸ «First Heartland Securities» اق «تسەسنابانك» اق قاراپايىم اكتسييالارىنىڭ 99.5%-ىن ساتىپ العان بولاتىن.
