Transkaspii halyqaralyq kólik baǵdaryn (THKB) damytý máselesi Úkimettiń turaqty baqylaýynda, dep habarlaidy QazAqparat.
Bul týraly QR Úkimeti janyndaǵy Daǵdarysqa qarsy sharalar jónindegi jedel shtabtyń keshe ótken otyrysynda aityldy.
QR IIDM basshysy QR Indýstriia jáne infraqurylymdyq damý ministri Qaiyrbek Óskenbaevtyń aitýynsha, Transkaspii halyqaralyq kólik baǵdaryn damytý máselesi Úkimettiń turaqty baqylaýynda ekenin atap kórsetti. Qazir onyń áleýetin arttyrý boiynsha belsendi jumystar júrgizilip jatyr.
«2022 jyly bul baǵytta 30 myńnan astam JFE tasymaldaý bekitilgen. Qazirgi jaǵdaidy eskere otyryp, ol 2 ese ulǵaiýy múmkin. Qazaqstandyq eksporttaýshylar biyl THKB-ge basqa baǵyttardan 2 mln tonnaǵa deiin júk jóneltýdi josparlap otyr. Onyń ishinde munai ónimderi, metall ónimderi jáne kómir bar. Tiisti kólemdi 4 mln tonnaǵa deiin arttyrýǵa bolady», - dedi ministr.
THBK boiynsha eki baǵytta 10 mln tonnaǵa deiin, onyń ishinde 200 myń konteinerge deiin tasymaldaýǵa bolady. Olar: Aqtaý/Quryq – Baký(Aliat) – Ázerbaijan temirjoldary – Grýziia temirjoldary - Batými/Poti porty jáne ári qarai Qara teńizdegi Varna/Býrgas (Bolgariia) nemese Konstantsaǵa (Rýmyniia);
Aqtaý/Quryk – Baký (Aliat) – Ázerbaijan temirjoldary – Grýziia temirjoldary (Baký-Tbilisi-Kars baǵyty) – Túrkiianyń Qara teńizdegi jáne Jerorta teńizdegi porttary arqyly.
Sondai-aq atalǵan ministrlik ókilderi boljanǵan kólemdi tasymaldaý úshin Ázerbaijan jáne Grýziia taraptarmen kelissóz júrgizgen.
Ázerbaijanmen ýaǵdalastyqty iske asyrý úshin arnaiy jumys tobyn qurý týraly sheshim qabyldandy. Al Tbilisi qalasynda ótken kezdesýde Grýziia tarapy THKB-ny ilgeriletý úshin birlesken logistikalyq kompaniia qurý jónindegi qazaqstandyq bastamany qoldady.
Jalpy Baký men Tbiliside THKB damytý boiynsha bastamalardy qoldap otyr.
