ترانسكاسپيي حالىقارالىق كٶلٸك باعدارىن (تحكب) دامىتۋ مەسەلەسٸ ٷكٸمەتتٸڭ تۇراقتى باقىلاۋىندا, دەپ حابارلايدى قازاقپارات.
بۇل تۋرالى قر ٷكٸمەتٸ جانىنداعى داعدارىسقا قارسى شارالار جٶنٸندەگٸ جەدەل شتابتىڭ كەشە ٶتكەن وتىرىسىندا ايتىلدى.
قر ييدم باسشىسى قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆتىڭ ايتۋىنشا, ترانسكاسپيي حالىقارالىق كٶلٸك باعدارىن دامىتۋ مەسەلەسٸ ٷكٸمەتتٸڭ تۇراقتى باقىلاۋىندا ەكەنٸن اتاپ كٶرسەتتٸ. قازٸر ونىڭ ەلەۋەتٸن ارتتىرۋ بويىنشا بەلسەندٸ جۇمىستار جٷرگٸزٸلٸپ جاتىر.
«2022 جىلى بۇل باعىتتا 30 مىڭنان استام جفە تاسىمالداۋ بەكٸتٸلگەن. قازٸرگٸ جاعدايدى ەسكەرە وتىرىپ, ول 2 ەسە ۇلعايۋى مٷمكٸن. قازاقستاندىق ەكسپورتتاۋشىلار بيىل تحكب-گە باسقا باعىتتاردان 2 ملن تونناعا دەيٸن جٷك جٶنەلتۋدٸ جوسپارلاپ وتىر. ونىڭ ٸشٸندە مۇناي ٶنٸمدەرٸ, مەتالل ٶنٸمدەرٸ جەنە كٶمٸر بار. تيٸستٸ كٶلەمدٸ 4 ملن تونناعا دەيٸن ارتتىرۋعا بولادى», - دەدٸ مينيستر.
تحبك بويىنشا ەكٸ باعىتتا 10 ملن تونناعا دەيٸن, ونىڭ ٸشٸندە 200 مىڭ كونتەينەرگە دەيٸن تاسىمالداۋعا بولادى. ولار: اقتاۋ/قۇرىق – باكۋ(اليات) – ەزەربايجان تەمٸرجولدارى – گرۋزييا تەمٸرجولدارى - باتۋمي/پوتي پورتى جەنە ەرٸ قاراي قارا تەڭٸزدەگٸ ۆارنا/بۋرگاس (بولگارييا) نەمەسە كونستانتساعا (رۋمىنييا);
اقتاۋ/قۇرىك – باكۋ (اليات) – ەزەربايجان تەمٸرجولدارى – گرۋزييا تەمٸرجولدارى (باكۋ-تبيليسي-كارس باعىتى) – تٷركييانىڭ قارا تەڭٸزدەگٸ جەنە جەرورتا تەڭٸزدەگٸ پورتتارى ارقىلى.
سونداي-اق اتالعان مينيسترلٸك ٶكٸلدەرٸ بولجانعان كٶلەمدٸ تاسىمالداۋ ٷشٸن ەزەربايجان جەنە گرۋزييا تاراپتارمەن كەلٸسسٶز جٷرگٸزگەن.
ەزەربايجانمەن ۋاعدالاستىقتى ٸسكە اسىرۋ ٷشٸن ارنايى جۇمىس توبىن قۇرۋ تۋرالى شەشٸم قابىلداندى. ال تبيليسي قالاسىندا ٶتكەن كەزدەسۋدە گرۋزييا تاراپى تحكب-نى ٸلگەرٸلەتۋ ٷشٸن بٸرلەسكەن لوگيستيكالىق كومپانييا قۇرۋ جٶنٸندەگٸ قازاقستاندىق باستامانى قولدادى.
جالپى باكۋ مەن تبيليسيدە تحكب دامىتۋ بويىنشا باستامالاردى قولداپ وتىر.
