AQSh prezidenti Donald Tramp Aýǵanstandaǵy bastapqy bitim saqtalsa, aýǵan tálipterimen beibit kelisimge qol qoiýǵa daiyn ekenin málimdedi.
23 aqpanda Úndistanǵa sapary aldynda jýrnalister suraǵyna jaýap bergen Tramp "Biz olardy [tálibter] kelisim jasasqysy keledi dep sanaimyz. Bizdiń de kelisim jasasqymyz keledi. Meniń oiymsha, bolatyn siiaqty, kóremiz", - dedi.
Buǵan deiin eki tarap "22 aqpan, tún jarymynan bastap zorlyq-zombylyq deńgeiin tómendetetini» jaily habarlaǵan.
Bul bitim beibit kelisimniń alǵysharty bolýy, ári qarai Aýǵanstannan AQSh áskeri áketilýi múmkin. Tramp "19 jyl soǵystan Amerika áskeriniń elge oralatyn ýaqyty boldy" degen edi. Aýǵanstanda jalpy sany 12 myńǵa jýyq AQSh áskeri kontingenti ornalasqan.
Aýǵanstan aqparat quraldary sońǵy eki kúnde tálipter aýǵan áskerileri ornalasqan jerlerdegi baqylaý-ótkizý pýnktterine birneshe usaq shabýyl jasaǵanyn habarlady.
AQSh memleket hatshysy Maik Pompeo 21 aqpanda, AQSh pen "Taliban" qozǵalysy Aýǵanstandaǵy konfliktini saiasi turǵyda retteý jóninde kelissóz júrgizip jatqanyn aitqan.
