اقش پرەزيدەنتٸ دونالد ترامپ اۋعانستانداعى باستاپقى بٸتٸم ساقتالسا, اۋعان تەلٸپتەرٸمەن بەيبٸت كەلٸسٸمگە قول قويۋعا دايىن ەكەنٸن مەلٸمدەدٸ.
23 اقپاندا ٷندٸستانعا ساپارى الدىندا جۋرناليستەر سۇراعىنا جاۋاپ بەرگەن ترامپ "بٸز ولاردى [تەلٸبتەر] كەلٸسٸم جاساسقىسى كەلەدٸ دەپ سانايمىز. بٸزدٸڭ دە كەلٸسٸم جاساسقىمىز كەلەدٸ. مەنٸڭ ويىمشا, بولاتىن سيياقتى, كٶرەمٸز", - دەدٸ.
بۇعان دەيٸن ەكٸ تاراپ "22 اقپان, تٷن جارىمىنان باستاپ زورلىق-زومبىلىق دەڭگەيٸن تٶمەندەتەتٸنٸ» جايلى حابارلاعان.
بۇل بٸتٸم بەيبٸت كەلٸسٸمنٸڭ العىشارتى بولۋى, ەرٸ قاراي اۋعانستاننان اقش ەسكەرٸ ەكەتٸلۋٸ مٷمكٸن. ترامپ "19 جىل سوعىستان امەريكا ەسكەرٸنٸڭ ەلگە ورالاتىن ۋاقىتى بولدى" دەگەن ەدٸ. اۋعانستاندا جالپى سانى 12 مىڭعا جۋىق اقش ەسكەري كونتينگەنتٸ ورنالاسقان.
اۋعانستان اقپارات قۇرالدارى سوڭعى ەكٸ كٷندە تەلٸپتەر اۋعان ەسكەريلەرٸ ورنالاسقان جەرلەردەگٸ باقىلاۋ-ٶتكٸزۋ پۋنكتتەرٸنە بٸرنەشە ۇساق شابۋىل جاساعانىن حابارلادى.
اقش مەملەكەت حاتشىسى مايك پومپەو 21 اقپاندا, اقش پەن "تاليبان" قوزعالىسى اۋعانستانداعى كونفليكتٸنٸ ساياسي تۇرعىدا رەتتەۋ جٶنٸندە كەلٸسسٶز جٷرگٸزٸپ جاتقانىن ايتقان.
