Asqar Jumadildaev suqbatynda: "Baýyrym, men seni jaqsy kóremin. Biraq, seniń toi, qudalyǵyńa baryp júretin ýaqytym joq. Eń mańyzdysyn aitshy, soǵan ǵana baraiyn", - dep aitqanyn estigem. Toi - qazaqtardy jaqyndatady deidi kópshilik. Múmkin. Biraq, ekinshi jaǵy da bar, toi - qazaqtyń ýaqyty men qarjysyn aiamaidy.
Aýyldaǵylarmen sóilessem, bir kún bos ýaqyttary joq. Bir kúni kelin túsiredi, bir kúni qyz uzatady, bir kúni súndet toi, bir kúni bálenbai jyldyq... Ár toiǵa aparatyn toianany esepteńizshi, bir aida qansha shyǵyn... Sol aqshany balany damytatyn túrli úiirmelerge jumsasa ǵoi. Qaidaǵyyy, óz balasyna kelgende aiap qalady. "Aqsha joq, qalai úiirmege qatystyramyn?" deidi. Tegin úiirmelerge "ýaqyt joq, kim aparady?" deidi. Toiǵa barýǵa ýaqyt tabady. Al óziń ýaqyt tappasań, sol toiǵa aparǵan aqshańa aparyp-ákeletin adam jaldap qoiýǵa bolady.
Biz jaqtyń toiynda tanymaityn adamdar kóp bolady, alpys apa, jetpis jezdesin shaqyra beredi ǵoi baiaǵy. Erteń ózderi toi istese, "biz de toiyna barǵanbyz, shaqyrmasaq uiat" dep shyǵady. Eń jaqyn adamdary bolmasa, bylaiǵy toilarǵa eshkim qýanyp barmaidy. Moiyndaý kerek, ary tartsa beri jetpei, beri tartsa ary jetpeitin kezde toiǵa barǵan ne sáni? Ózi jyny kep barǵasyn, sol toidy synamai qaitsin. Asabasy men dastarqany kúshti bolsa, túk tappaǵasyn kelinniń kóilegi men makiiajyn, pricheskasyn aityp ketedi. Toidan kelgen soń sharshaisyń. Óz basym jylyna úsh ret bolatyn korporativkanyń ózinen ólesi bop sharshap qaitam, al toi týraly aitpai-aq qoiaiyn. Toi bolsa, júz adamnan asatyn toi jasap keregi joq. Bireýdiń ýaqytyn alyp qaitesiń? Odan da sol toiǵa ketetin ýaqytty ózine arnasyn.
Keide qazaqtyń ǵylymda aty ozbai jatqanyna osy toidyń da áseri bar ma deimin. Toi toilap júrgen adam qalai oqyp, qalai jańalyq ashady? Toidan keiingi pysh-pysh ta adamdy usaqtatyp jiberedi, nervisine tiip. Bilik qajeti bolsyn, bolmasyn túrli halyqaralyq is-sharalar ótkizgish dep synaisyzdar. Ózderińiz qandai daraqy bolsańyzdar, bilikterińiz de sondai ǵoi.
Jadyra Narmahanovanyń feisbýktegi jazbasynan
