اسقار جۇمادٸلداەۆ سۇقباتىندا: "باۋىرىم, مەن سەنٸ جاقسى كٶرەمٸن. بٸراق, سەنٸڭ توي, قۇدالىعىڭا بارىپ جٷرەتٸن ۋاقىتىم جوق. ەڭ ماڭىزدىسىن ايتشى, سوعان عانا بارايىن", - دەپ ايتقانىن ەستٸگەم. توي - قازاقتاردى جاقىنداتادى دەيدٸ كٶپشٸلٸك. مٷمكٸن. بٸراق, ەكٸنشٸ جاعى دا بار, توي - قازاقتىڭ ۋاقىتى مەن قارجىسىن ايامايدى.
اۋىلداعىلارمەن سٶيلەسسەم, بٸر كٷن بوس ۋاقىتتارى جوق. بٸر كٷنٸ كەلٸن تٷسٸرەدٸ, بٸر كٷنٸ قىز ۇزاتادى, بٸر كٷنٸ سٷندەت توي, بٸر كٷنٸ بەلەنباي جىلدىق... ەر تويعا اپاراتىن تويانانى ەسەپتەڭٸزشٸ, بٸر ايدا قانشا شىعىن... سول اقشانى بالانى دامىتاتىن تٷرلٸ ٷيٸرمەلەرگە جۇمساسا عوي. قايداعىىى, ٶز بالاسىنا كەلگەندە اياپ قالادى. "اقشا جوق, قالاي ٷيٸرمەگە قاتىستىرامىن?" دەيدٸ. تەگٸن ٷيٸرمەلەرگە "ۋاقىت جوق, كٸم اپارادى?" دەيدٸ. تويعا بارۋعا ۋاقىت تابادى. ال ٶزٸڭ ۋاقىت تاپپاساڭ, سول تويعا اپارعان اقشاڭا اپارىپ-ەكەلەتٸن ادام جالداپ قويۋعا بولادى.
بٸز جاقتىڭ تويىندا تانىمايتىن ادامدار كٶپ بولادى, الپىس اپا, جەتپٸس جەزدەسٸن شاقىرا بەرەدٸ عوي باياعى. ەرتەڭ ٶزدەرٸ توي ٸستەسە, "بٸز دە تويىنا بارعانبىز, شاقىرماساق ۇيات" دەپ شىعادى. ەڭ جاقىن ادامدارى بولماسا, بىلايعى تويلارعا ەشكٸم قۋانىپ بارمايدى. مويىنداۋ كەرەك, ارى تارتسا بەرٸ جەتپەي, بەرٸ تارتسا ارى جەتپەيتٸن كەزدە تويعا بارعان نە سەنٸ? ٶزٸ جىنى كەپ بارعاسىن, سول تويدى سىناماي قايتسٸن. اساباسى مەن داستارقانى كٷشتٸ بولسا, تٷك تاپپاعاسىن كەلٸننٸڭ كٶيلەگٸ مەن ماكيياجىن, پريچەسكاسىن ايتىپ كەتەدٸ. تويدان كەلگەن سوڭ شارشايسىڭ. ٶز باسىم جىلىنا ٷش رەت بولاتىن كورپوراتيۆكانىڭ ٶزٸنەن ٶلەسٸ بوپ شارشاپ قايتام, ال توي تۋرالى ايتپاي-اق قويايىن. توي بولسا, جٷز ادامنان اساتىن توي جاساپ كەرەگٸ جوق. بٸرەۋدٸڭ ۋاقىتىن الىپ قايتەسٸڭ? ودان دا سول تويعا كەتەتٸن ۋاقىتتى ٶزٸنە ارناسىن.
كەيدە قازاقتىڭ عىلىمدا اتى وزباي جاتقانىنا وسى تويدىڭ دا ەسەرٸ بار ما دەيمٸن. توي تويلاپ جٷرگەن ادام قالاي وقىپ, قالاي جاڭالىق اشادى? تويدان كەيٸنگٸ پىش-پىش تا ادامدى ۇساقتاتىپ جٸبەرەدٸ, نەرۆٸسٸنە تيٸپ. بيلٸك قاجەتٸ بولسىن, بولماسىن تٷرلٸ حالىقارالىق ٸس-شارالار ٶتكٸزگٸش دەپ سىنايسىزدار. ٶزدەرٸڭٸز قانداي داراقى بولساڭىزدار, بيلٸكتەرٸڭٸز دە سونداي عوي.
جادىرا نارماحانوۆانىڭ فەيسبۋكتەگٸ جازباسىنان
