Pavlodarda Tótenshe jaǵdailar departamentiniń qyzmetkeri gazy shyǵyp turǵan ballondy úiden alyp shyǵý kezinde jaraqattandy. Bul týraly QR TJM resmi ókili Talǵat Ýáli habarlady.
26 qazan kúni saǵat 19.33-te Pavlodar qalasynyń TJ basqarmasyna Pavlodar qalasy ákimdiginiń ókilinen Ýálihanov kóshesi 36 mekenjaiynda gazdyń shyǵyp jatqany týraly habarlama kelip tústi.
TJD Daǵdarys jaǵdailarynda baq sarý basqarmasyna úi iesinen saǵat 19.45-te habarlama kelip tústi. Osy ýaqytqa deiin Pavlodar qalasy TJ basqarmasynyń qyzmetkeri Sabyrjan Tastembekov atalǵan mekenjaiǵa bardy. Kelgennen keiin ventildiń jaramsyzdyǵynan gazdyń shyǵyp jatqany anyqtaldy. Jarylys qaýpi bolǵandyqtan, ol úi iesimen birge gaz ballonyn evakýatsiialaý týraly sheshim qabyldady. Gaz ballonyn shyǵarý kezinde gaz-aýa qospasynyń tutanýy oryn alyp, 40 sharshy metr alańda turmystyq zattar janǵan. Oqiǵa ornynda 8 adam bolǵan.
Órt sóndirýshiler kelgenge deiin kúiik shalyp, 1957 jyly týǵan úidiń iesi aýrýhanaǵa jatqyzyldy, onyń denesiniń 35%-yn kúigen. Al 1985 jyly týǵan TJ basqarmasy qyzmetkeriniń betin, aiaq-qoldaryn kúiik shaldy.
Órt sóndirýshilerdiń kúshimen 1937 jyly týǵan áiel tereze arqyly evakýatsiialandy jáne Apattar meditsinasy ortalyǵynyń qyzmetkerlerine tapsyryldy, meditsinalyq kómekke muqtaj emes. Órtti sóndirýge 18 qyzmetker men 5 birlik tehnika jumyldyryldy.
