پاۆلوداردا تٶتەنشە جاعدايلار دەپارتامەنتٸنٸڭ قىزمەتكەرٸ گازى شىعىپ تۇرعان باللوندى ٷيدەن الىپ شىعۋ كەزٸندە جاراقاتتاندى. بۇل تۋرالى قر تجم رەسمي ٶكٸلٸ تالعات ۋەلي حابارلادى.
26 قازان كٷنٸ ساعات 19.33-تە پاۆلودار قالاسىنىڭ تج باسقارماسىنا پاۆلودار قالاسى ەكٸمدٸگٸنٸڭ ٶكٸلٸنەن ۋەليحانوۆ كٶشەسٸ 36 مەكەنجايىندا گازدىڭ شىعىپ جاتقانى تۋرالى حابارلاما كەلٸپ تٷستٸ.
تجد داعدارىس جاعدايلارىندا باق سارۋ باسقارماسىنا ٷي يەسٸنەن ساعات 19.45-تە حابارلاما كەلٸپ تٷستٸ. وسى ۋاقىتقا دەيٸن پاۆلودار قالاسى تج باسقارماسىنىڭ قىزمەتكەرٸ سابىرجان تاستەمبەكوۆ اتالعان مەكەنجايعا باردى. كەلگەننەن كەيٸن ۆەنتيلدٸڭ جارامسىزدىعىنان گازدىڭ شىعىپ جاتقانى انىقتالدى. جارىلىس قاۋپٸ بولعاندىقتان, ول ٷي يەسٸمەن بٸرگە گاز باللونىن ەۆاكۋاتسييالاۋ تۋرالى شەشٸم قابىلدادى. گاز باللونىن شىعارۋ كەزٸندە گاز-اۋا قوسپاسىنىڭ تۇتانۋى ورىن الىپ, 40 شارشى مەتر الاڭدا تۇرمىستىق زاتتار جانعان. وقيعا ورنىندا 8 ادام بولعان.
ٶرت سٶندٸرۋشٸلەر كەلگەنگە دەيٸن كٷيٸك شالىپ, 1957 جىلى تۋعان ٷيدٸڭ يەسٸ اۋرۋحاناعا جاتقىزىلدى, ونىڭ دەنەسٸنٸڭ 35%-ىن كٷيگەن. ال 1985 جىلى تۋعان تج باسقارماسى قىزمەتكەرٸنٸڭ بەتٸن, اياق-قولدارىن كٷيٸك شالدى.
ٶرت سٶندٸرۋشٸلەردٸڭ كٷشٸمەن 1937 جىلى تۋعان ەيەل تەرەزە ارقىلى ەۆاكۋاتسييالاندى جەنە اپاتتار مەديتسيناسى ورتالىعىنىڭ قىزمەتكەرلەرٸنە تاپسىرىلدى, مەديتسينالىق كٶمەككە مۇقتاج ەمەس. ٶرتتٸ سٶندٸرۋگە 18 قىزمەتكەر مەن 5 بٸرلٸك تەحنيكا جۇمىلدىرىلدى.
