Qazaqstannan aýdarylatyn aqshanyń úshten eki bóligi Reseige, Ózbekstan men Túrkiiaǵa ketip jatyr, dep habarlaidy ranking.kz portaly.
«2019 jyldyń qańtar men sáýir ailarynyń qorytyndysy boiynsha Qazaqstannan shetelge 172,8 mlrd teńge aýdarylǵan. Bul 2018 jyldyń tiisti kórsetkishinen qaraǵanda 8,6 paiyzǵa artyq. Sonymen birge, tranzaktsiia sany da 1 paiyzǵa azaiyp, 775,8 myńdy kórsetken», - delingen ranking málimetinde.
Aqshanyń basym bóligi halyqaralyq aqsha aýdarymdar júiesi arqyly Reseige jóneltilgen (65,1 mlrd teńge). Bul - 2018 jyldyń 4 aiynyń kórsetkishinen 6,4 paiyzǵa az.
Ekinshi orynda Ózbekstan tur. Ol jaqqa aýdarylǵan aqshanyń mólsheri 26,5 mlrd teńgemen bir jyldyń ishinde 36,2 paiyzdyq ósimge jetken. Alǵashqy úshtikti Túrkiia túiindeidi (25,8 mlrd teńge, +41,2 paiyz).
