قازاقستاننان اۋدارىلاتىن اقشانىڭ ٷشتەن ەكٸ بٶلٸگٸ رەسەيگە, ٶزبەكستان مەن تٷركيياعا كەتٸپ جاتىر, دەپ حابارلايدى ranking.kz پورتالى.
«2019 جىلدىڭ قاڭتار مەن سەۋٸر ايلارىنىڭ قورىتىندىسى بويىنشا قازاقستاننان شەتەلگە 172,8 ملرد تەڭگە اۋدارىلعان. بۇل 2018 جىلدىڭ تيٸستٸ كٶرسەتكٸشٸنەن قاراعاندا 8,6 پايىزعا ارتىق. سونىمەن بٸرگە, ترانزاكتسييا سانى دا 1 پايىزعا ازايىپ, 775,8 مىڭدى كٶرسەتكەن», - دەلٸنگەن ranking مەلٸمەتٸندە.
اقشانىڭ باسىم بٶلٸگٸ حالىقارالىق اقشا اۋدارىمدار جٷيەسٸ ارقىلى رەسەيگە جٶنەلتٸلگەن (65,1 ملرد تەڭگە). بۇل - 2018 جىلدىڭ 4 ايىنىڭ كٶرسەتكٸشٸنەن 6,4 پايىزعا از.
ەكٸنشٸ ورىندا ٶزبەكستان تۇر. ول جاققا اۋدارىلعان اقشانىڭ مٶلشەرٸ 26,5 ملرد تەڭگەمەن بٸر جىلدىڭ ٸشٸندە 36,2 پايىزدىق ٶسٸمگە جەتكەن. العاشقى ٷشتٸكتٸ تٷركييا تٷيٸندەيدٸ (25,8 ملرد تەڭگە, +41,2 پايىز).
