Qazaqstan Prezidenti Qasym-Jomart Toqaevtyń Ýkrainadaǵy soǵysty ýaqytsha toqtatý týraly usynysyna Resei men Ýkraina ártúrli pikir bildirdi, dep habarlaidy Ult.kz.
Kremldiń baspasóz hatshysy Dmitrii Peskov Máskeý Qazaqstan basshysynyń ustanymyn burynnan biletinin aityp, Resei bul usynyspen kelispeitinin jetkizdi. Al Ýkraina Syrtqy ister ministrligi Toqaevtyń bastamasyn qoldap, soǵysty diplomatiialyq jolmen retteý qajet ekenin málimdedi. Sonymen qatar Kiev Máskeýdiń beibit usynystarǵa kelisýi úshin Reseige qysymdy kúsheitý qajet dep esepteidi.
«Toqaev Ýkraina máselesine qatysty birneshe ret pikir bildirgen. Onyń bul máseledegi ustanymy birizdi. Bul bizdiń onyń kózqarasymen kelisetinimizdi bildirmeidi. Biraq Qazaqstan – bizdiń eń jaqyn seriktesimiz ári odaqtasymyz», – dedi «Rossiiskaia gazetaǵa» bergen suhbatynda Dmitrii Peskov.
Onyń aitýynsha, Resei Qazaqstandy qosa alǵanda seriktes elderge óz ustanymyn túsindirý jumystaryn jalǵastyrady.
«Demek, biz qaqtyǵystyń bastapqy sebepterin jetkilikti deńgeide túsindire almaǵanbyz. Bul jumysty eki ese qarqynmen jalǵastyramyz. Seriktesterimiz bizdiń ustanymymyzdy bilýi tiis jáne biz ony jetkizýdi jalǵastyramyz», – dedi Kreml ókili.
Al Ýkraina Syrtqy ister ministrligi Qazaqstan Prezidentiniń soǵysty toqtatý qajettigi týraly málimdemesin quptady. Ýkraina Syrtqy ister ministriniń mindetin atqarýshy Andrei Sibiga áleýmettik jelidegi paraqshasynda bul – shynaiy jaǵdaiǵa negizdelgen, der kezinde jasalǵan ári baiypty úndeý dep baǵalady.
«Ýkraina qazirgi maidan shebi boiymen áskeri is-qimyldy toqtatyp, diplomatiialyq retteý jolyna kóshýdi usyndy. Alaida Kreml beibitshilikke bastaityn bul aiqyn joldan bas tartýyn jalǵastyryp otyr. Pýtinniń baspasóz hatshysy da Qazaqstan Prezidentiniń usynysyn joqqa shyǵardy.
Máseleniń máni mynada: Máskeý shynaiy beibit usynystarǵa kelisýi úshin oǵan qysym kúsheitilýi kerek», – dep jazdy Sibiga.
Eske salsaq, buǵan deiin Resei Prezidenti Vladimir Pýtinmen ótken kelissóz barysynda Qazaqstan Prezidenti Qasym-Jomart Toqaev Ýkrainadaǵy qaqtyǵysty ýaqytsha toqtatyp, kelissózderdi qaita jandandyrýdy usynǵan bolatyn. Memleket basshysy bul rette «Stambul formýlasy 2.0» aiasyndaǵy kelissózderge qaita oralý qajet ekenin atap ótti.
