قازاقستان پرەزيدەنتٸ قاسىم-جومارت توقاەۆتىڭ ۋكرايناداعى سوعىستى ۋاقىتشا توقتاتۋ تۋرالى ۇسىنىسىنا رەسەي مەن ۋكراينا ەرتٷرلٸ پٸكٸر بٸلدٸردٸ, دەپ حابارلايدى Ult.kz.
كرەملدٸڭ باسپاسٶز حاتشىسى دميتريي پەسكوۆ مەسكەۋ قازاقستان باسشىسىنىڭ ۇستانىمىن بۇرىننان بٸلەتٸنٸن ايتىپ, رەسەي بۇل ۇسىنىسپەن كەلٸسپەيتٸنٸن جەتكٸزدٸ. ال ۋكراينا سىرتقى ٸستەر مينيسترلٸگٸ توقاەۆتىڭ باستاماسىن قولداپ, سوعىستى ديپلوماتييالىق جولمەن رەتتەۋ قاجەت ەكەنٸن مەلٸمدەدٸ. سونىمەن قاتار كيەۆ مەسكەۋدٸڭ بەيبٸت ۇسىنىستارعا كەلٸسۋٸ ٷشٸن رەسەيگە قىسىمدى كٷشەيتۋ قاجەت دەپ ەسەپتەيدٸ.
«توقاەۆ ۋكراينا مەسەلەسٸنە قاتىستى بٸرنەشە رەت پٸكٸر بٸلدٸرگەن. ونىڭ بۇل مەسەلەدەگٸ ۇستانىمى بٸرٸزدٸ. بۇل بٸزدٸڭ ونىڭ كٶزقاراسىمەن كەلٸسەتٸنٸمٸزدٸ بٸلدٸرمەيدٸ. بٸراق قازاقستان – بٸزدٸڭ ەڭ جاقىن سەرٸكتەسٸمٸز ەرٸ وداقتاسىمىز», – دەدٸ «روسسييسكايا گازەتاعا» بەرگەن سۇحباتىندا دميتريي پەسكوۆ.
ونىڭ ايتۋىنشا, رەسەي قازاقستاندى قوسا العاندا سەرٸكتەس ەلدەرگە ٶز ۇستانىمىن تٷسٸندٸرۋ جۇمىستارىن جالعاستىرادى.
«دەمەك, بٸز قاقتىعىستىڭ باستاپقى سەبەپتەرٸن جەتكٸلٸكتٸ دەڭگەيدە تٷسٸندٸرە الماعانبىز. بۇل جۇمىستى ەكٸ ەسە قارقىنمەن جالعاستىرامىز. سەرٸكتەستەرٸمٸز بٸزدٸڭ ۇستانىمىمىزدى بٸلۋٸ تيٸس جەنە بٸز ونى جەتكٸزۋدٸ جالعاستىرامىز», – دەدٸ كرەمل ٶكٸلٸ.
ال ۋكراينا سىرتقى ٸستەر مينيسترلٸگٸ قازاقستان پرەزيدەنتٸنٸڭ سوعىستى توقتاتۋ قاجەتتٸگٸ تۋرالى مەلٸمدەمەسٸن قۇپتادى. ۋكراينا سىرتقى ٸستەر مينيسترٸنٸڭ مٸندەتٸن اتقارۋشى اندرەي سيبيگا ەلەۋمەتتٸك جەلٸدەگٸ پاراقشاسىندا بۇل – شىنايى جاعدايعا نەگٸزدەلگەن, دەر كەزٸندە جاسالعان ەرٸ بايىپتى ٷندەۋ دەپ باعالادى.
«ۋكراينا قازٸرگٸ مايدان شەبٸ بويىمەن ەسكەري ٸس-قيمىلدى توقتاتىپ, ديپلوماتييالىق رەتتەۋ جولىنا كٶشۋدٸ ۇسىندى. الايدا كرەمل بەيبٸتشٸلٸككە باستايتىن بۇل ايقىن جولدان باس تارتۋىن جالعاستىرىپ وتىر. پۋتيننٸڭ باسپاسٶز حاتشىسى دا قازاقستان پرەزيدەنتٸنٸڭ ۇسىنىسىن جوققا شىعاردى.
مەسەلەنٸڭ مەنٸ مىنادا: مەسكەۋ شىنايى بەيبٸت ۇسىنىستارعا كەلٸسۋٸ ٷشٸن وعان قىسىم كٷشەيتٸلۋٸ كەرەك», – دەپ جازدى سيبيگا.
ەسكە سالساق, بۇعان دەيٸن رەسەي پرەزيدەنتٸ ۆلاديمير پۋتينمەن ٶتكەن كەلٸسسٶز بارىسىندا قازاقستان پرەزيدەنتٸ قاسىم-جومارت توقاەۆ ۋكرايناداعى قاقتىعىستى ۋاقىتشا توقتاتىپ, كەلٸسسٶزدەردٸ قايتا جانداندىرۋدى ۇسىنعان بولاتىن. مەملەكەت باسشىسى بۇل رەتتە «ستامبۇل فورمۋلاسى 2.0» اياسىنداعى كەلٸسسٶزدەرگە قايتا ورالۋ قاجەت ەكەنٸن اتاپ ٶتتٸ.
