Pákistannyń soltústik-batysyndaǵy Haiber-Pahtýnhva provintsiiasynda juma namazy kezinde meshit mańynda qýatty jarylys boldy. Oqiǵa saldarynan keminde 16 adam qaza taýyp, 50-den astamy jaraqat aldy, dep habarlaidy ult.kz.
Jarylys Kohat aýdanyndaǵy politsiia basqarmasy kesheniniń kireberisinde ornalasqan meshittiń mańynda bolǵan. Provintsiia politsiiasynyń basshysy Zýlfikar Hamidtiń málimetinshe, meshit janynda jarylǵysh zat tielgen kólik jarylǵan.
Osydan keiin qarýly adamdar men qaýipsizdik kúshteri arasynda atys bastalǵan. Qaqtyǵys kezinde politsiia basqarmasy aýmaǵynda taǵy bir jarylys bolǵan.
Politsiianyń habarlaýynsha, atys barysynda alty sodyrdyń kózi joiylǵan. Olardyń arasynda mergen men jankeshti bolǵan.
Shabýyldan keminde 16 adam qaza tapty. Qaza bolǵandardyń beseýi – politsiia qyzmetkeri. Budan bólek, 50-den astam adam túrli jaraqatpen aýrýhanaǵa jetkizilgen.
Jarylystyń kúshti bolǵany sonshalyq, meshit mańynda úlken shuńqyr paida bolyp, ǵimarattyń syrtqy bóligine zaqym kelgen. Qabyrǵalardyń biri opyrylyp qulaǵan.
Kohat aýdandyq ortalyq aýrýhanasynyń bas dárigeri Tahir Ali Shahtyń aitýynsha, qazir 50-den astam zardap shegýshi meditsinalyq kómek alyp jatyr.
