Kásipker Tursynǵali Alagózov burynǵy áieli Liaisira Marattyń bala men franshizany salystyrǵan sózine áleýmettik jelide jaýap berdi, dep habarlaidy ult.kz.
Buǵan deiin Liaisira Marat shamamen bes jyl buryn «biznesfertilnost» degen termin oilap tapqanyn aitqan. Onyń túsindirýinshe, bul ideia týý qabileti. Ol ideiany balaǵa teńep, sýrrogat ana taqyrybyn franshizamen salystyrǵan.
«Ideia – bala siiaqty. Qazir men artifishl nemese jobalar týraly aityp turǵan joqpyn. Mysaly, sýrrogat balalar. Muny franchaizingpen salystyrýǵa bolady. Franshiza – bireýdiń ideiasy, ony bireý dúniege ákeldi. Biraq sen ony satyp alyp, jalǵastyra alasyń. Biraq bul seniń balań emes, sen ony jai ǵana ósiresiń», – degen Liaisira Marat.
Osy sózderden keiin Tursynǵali Alagózov óz jazbasynda balalardy «franshiza» uǵymymen salystyrýǵa qarsylyq bildirdi.
«Balalardy «franshizamen» salystyrý, balany «satyp alýǵa bolady» jáne ol «seniń balań emes» deý – meniń túsinigimde shekten shyǵý», – dep jazdy ol.
Alagózovtiń aitýynsha, bala dúniege qalai kelgenine qaramastan, onyń otbasyndaǵy orny men ata-anasynyń oǵan degen mahabbaty ózgermeidi.
«Balalar – taýar emes, biznes-joba emes jáne arzan salystyrýdyń nysany emes. Olardyń dúniege kelý tásili ata-anasynyń mahabbatynyń kúshin, olar úshin jaýapkershiligin jáne otbasyndaǵy ornyn anyqtamaidy», – dedi ol.
Kásipker balalaryn jaqsy kóretinin, tárbielep ósiretinin jáne árdaiym qorǵaitynyn jazdy.
«Eresekter bir-birimen qansha qalasa, sonsha qarym-qatynasyn anyqtai alady. Biraq oǵan kishkentai balalardy aralastyrý – orynsyz. Árbir tárbieli adamnyń attamaityn shekarasy bolady. Balalar – sol shekaralardyń biri», – dep jazdy Alagózov.
