Prezident Qasym-Jomart Toqaev Ombyda Vladimir Pýtinmen kezdesýi barysynda Ýkrainadaǵy qaqtyǵysty ýaqytsha toqtata turýdy usynyp, onyń tabiǵatynyń áli de kópshilikke túsiniksiz ekenin aitty, dep habarlaidy ult.kz.
«Men eń basynan-aq bul memleketaralyq qaqtyǵys ekenin aityp kelemin. Bul – memleketaralyq qaqtyǵys. Munda qandai da bir azamattyq soǵys týraly sóz bolyp otyrǵan joq. Biz árdaiym ýkrain halqyna, onyń mádenieti men tiline qurmetpen qaradyq. Bul qaqtyǵystyń tabiǵaty kópshilikke, onyń ishinde bizge de tolyq túsinikti emes dep esepteimin», – dedi prezident.
Memleket basshysy mysal retinde Ázerbaijan men Armeniia arasyndaǵy qaqtyǵysty keltirip, onyń tarihi sebepteri men shyǵý tegi aiqyn bolǵanyn atap ótti. Al Ýkrainadaǵy jaǵdai, onyń aitýynsha, áldeqaida kúrdeli kórinedi.
