پرەزيدەنت قاسىم-جومارت توقاەۆ ومبىدا ۆلاديمير پۋتينمەن كەزدەسۋٸ بارىسىندا ۋكرايناداعى قاقتىعىستى ۋاقىتشا توقتاتا تۇرۋدى ۇسىنىپ, ونىڭ تابيعاتىنىڭ ەلٸ دە كٶپشٸلٸككە تٷسٸنٸكسٸز ەكەنٸن ايتتى, دەپ حابارلايدى ult.kz.
«مەن ەڭ باسىنان-اق بۇل مەملەكەتارالىق قاقتىعىس ەكەنٸن ايتىپ كەلەمٸن. بۇل – مەملەكەتارالىق قاقتىعىس. مۇندا قانداي دا بٸر ازاماتتىق سوعىس تۋرالى سٶز بولىپ وتىرعان جوق. بٸز ەردايىم ۋكراين حالقىنا, ونىڭ مەدەنيەتٸ مەن تٸلٸنە قۇرمەتپەن قارادىق. بۇل قاقتىعىستىڭ تابيعاتى كٶپشٸلٸككە, ونىڭ ٸشٸندە بٸزگە دە تولىق تٷسٸنٸكتٸ ەمەس دەپ ەسەپتەيمٸن», – دەدٸ پرەزيدەنت.
مەملەكەت باسشىسى مىسال رەتٸندە ەزەربايجان مەن ارمەنييا اراسىنداعى قاقتىعىستى كەلتٸرٸپ, ونىڭ تاريحي سەبەپتەرٸ مەن شىعۋ تەگٸ ايقىن بولعانىن اتاپ ٶتتٸ. ال ۋكرايناداعى جاعداي, ونىڭ ايتۋىنشا, ەلدەقايدا كٷردەلٸ كٶرٸنەدٸ.
