Prezident Qasym-Jomart Toqaev halyq arasynda Konstitýtsiiany túsindirý jáne dáripteý jumysyn kúsheitýdi tapsyrdy, dep habarlaidy ult.kz.
Memleket basshysy Qazaqstannyń aldynda biik maqsattar men naqty josparlar turǵanyn atap ótti. Onyń aitýynsha, olardy júzege asyrý úshin el birligin nyǵaityp, belsendi ári tabandy jumys júrgizý qajet.
«Halyq arasynda Konstitýtsiiany túsindirý, dáripteý isi – óte jaýapty jumys, oǵan ústirt qaraýǵa bolmaidy», – dedi Prezident.
Qasym-Jomart Toqaev bul jumysqa bilimi tereń, tájiribesi mol mamandardy tartý qajet ekenin aitty. Olardyń qatarynda zańgerler, ǵalymdar, muǵalimder, eriktiler, kásipkerler, ardagerler jáne memleket qairatkerleri bar.
Prezident Ákimshiligine Konstitýtsiiany túsindirý jumysynyń keshendi ári júieli tásilin qalyptastyrý mindeti júkteldi.
Memleket basshysy bul mindetti júzege asyrýdy Vitse-Prezident Erlan Qaringe tapsyrdy. Ol atqarylǵan jumys týraly Prezidentke eki apta saiyn tikelei baiandap otyrady.
