Memleket basshysy Qasym-Jomart Toqaev Astanada ótip jatqan «Bolashaq oiyndary – 2026» halyqaralyq saiysynyń ashylý saltanatyna qatysyp, jarysty resmi túrde ashyq dep jariialady, dep habarlaidy ult.kz.
Prezident óz sózinde biylǵy dúbirli doda Qazaqstanda alǵash ret uiymdastyrylyp otyrǵanyn atap ótip, bul elimiz úshin úlken mártebe ekenin aitty.
«Bolashaq oiyndary» – elderimiz arasyndaǵy dostyq qarym-qatynasty nyǵaitatyn mańyzy zor tarihi is-shara. Bul jarystyń Qazaqstanda ótýi – biz úshin úlken mártebe», – dedi Memleket basshysy.
Toqaev Resei prezidenti Vladimir Pýtinniń Qazaqstan men jarysqa qatysýshylarǵa joldaǵan quttyqtaýyn jetkizip, rizashylyǵyn bildirdi. Sondai-aq saltanatty rásimge Tájikstan prezidenti Emomali Rahmon, Ózbekstan prezidenti Shavkat Mirziioev jáne Qyrǵyzstan prezidenti Sadyr Japarovtyń qatysyp otyrǵanyn atap ótti.
Prezidenttiń aitýynsha, Astanadaǵy jarysqa álemniń 30-dan astam elinen 800-ge jýyq sportshy kelgen. Onyń pikirinshe, bul doda klassikalyq sport pen kiberindýstriiany biriktiretin jahandyq fidjital qozǵalysynyń damýyna tyń serpin beredi.
Memleket basshysy Qazaqstannyń tsifrlandyrý men jasandy intellekt salasyn damytýǵa basymdyq berip otyrǵanyn aitty. Onyń sózinshe, elde Tsifrlyq kodeks pen Jasandy intellekt týraly zań qabyldanyp, 1 shildeden bastap kúshine engen jańa Konstitýtsiiada azamattardyń tsifrlyq quqyqtary men jasandy intellektini damytýǵa qatysty kepildikter bekitilgen.
Sonymen qatar Prezident biyl Qazaqstanda Tsifrlandyrý jáne jasandy intellekt jyly jariialanǵanyn eske salyp, AI-Sana memlekettik baǵdarlamasy arqyly júzdegen myń azamat jańa tsifrlyq daǵdylardy meńgergenin aitty.
Sondai-aq biyl kúzde Astanada Jasandy intellekt ýniversiteti ashylatynyn, al kelesi jyly elordada Halyqaralyq kibersport federatsiiasynyń qoldaýymen álemdik deńgeidegi kibersport jarysy ótetinin habarlady.
Sóz sońynda Qasym-Jomart Toqaev uiymdastyrýshylarǵa, tóreshilerge, bapkerlerge, eriktilerge jáne barlyq qatysýshylarǵa alǵys aityp, sportshylarǵa sáttilik tiledi.
«Bul oiyndar elderimiz arasyndaǵy yntymaqtastyqtyń, dostyq pen kelisimniń altyn kópirine ainalady dep senemin. Endeshe, «Bolashaq oiyndary – 2026» saiysyn ashyq dep jariialaimyn!», – dedi Memleket basshysy.
