مەملەكەت باسشىسى قاسىم-جومارت توقاەۆ استانادا ٶتٸپ جاتقان «بولاشاق ويىندارى – 2026» حالىقارالىق سايىسىنىڭ اشىلۋ سالتاناتىنا قاتىسىپ, جارىستى رەسمي تٷردە اشىق دەپ جارييالادى, دەپ حابارلايدى ult.kz.
پرەزيدەنت ٶز سٶزٸندە بيىلعى دٷبٸرلٸ دودا قازاقستاندا العاش رەت ۇيىمداستىرىلىپ وتىرعانىن اتاپ ٶتٸپ, بۇل ەلٸمٸز ٷشٸن ٷلكەن مەرتەبە ەكەنٸن ايتتى.
«بولاشاق ويىندارى» – ەلدەرٸمٸز اراسىنداعى دوستىق قارىم-قاتىناستى نىعايتاتىن ماڭىزى زور تاريحي ٸس-شارا. بۇل جارىستىڭ قازاقستاندا ٶتۋٸ – بٸز ٷشٸن ٷلكەن مەرتەبە», – دەدٸ مەملەكەت باسشىسى.
توقاەۆ رەسەي پرەزيدەنتٸ ۆلاديمير پۋتيننٸڭ قازاقستان مەن جارىسقا قاتىسۋشىلارعا جولداعان قۇتتىقتاۋىن جەتكٸزٸپ, ريزاشىلىعىن بٸلدٸردٸ. سونداي-اق سالتاناتتى رەسٸمگە تەجٸكستان پرەزيدەنتٸ ەمومالي راحمون, ٶزبەكستان پرەزيدەنتٸ شاۆكات ميرزييوەۆ جەنە قىرعىزستان پرەزيدەنتٸ سادىر جاپاروۆتىڭ قاتىسىپ وتىرعانىن اتاپ ٶتتٸ.
پرەزيدەنتتٸڭ ايتۋىنشا, استاناداعى جارىسقا ەلەمنٸڭ 30-دان استام ەلٸنەن 800-گە جۋىق سپورتشى كەلگەن. ونىڭ پٸكٸرٸنشە, بۇل دودا كلاسسيكالىق سپورت پەن كيبەريندۋسترييانى بٸرٸكتٸرەتٸن جاھاندىق فيدجيتال قوزعالىسىنىڭ دامۋىنا تىڭ سەرپٸن بەرەدٸ.
مەملەكەت باسشىسى قازاقستاننىڭ تسيفرلاندىرۋ مەن جاساندى ينتەللەكت سالاسىن دامىتۋعا باسىمدىق بەرٸپ وتىرعانىن ايتتى. ونىڭ سٶزٸنشە, ەلدە تسيفرلىق كودەكس پەن جاساندى ينتەللەكت تۋرالى زاڭ قابىلدانىپ, 1 شٸلدەدەن باستاپ كٷشٸنە ەنگەن جاڭا كونستيتۋتسييادا ازاماتتاردىڭ تسيفرلىق قۇقىقتارى مەن جاساندى ينتەللەكتٸنٸ دامىتۋعا قاتىستى كەپٸلدٸكتەر بەكٸتٸلگەن.
سونىمەن قاتار پرەزيدەنت بيىل قازاقستاندا تسيفرلاندىرۋ جەنە جاساندى ينتەللەكت جىلى جارييالانعانىن ەسكە سالىپ, AI-Sana مەملەكەتتٸك باعدارلاماسى ارقىلى جٷزدەگەن مىڭ ازامات جاڭا تسيفرلىق داعدىلاردى مەڭگەرگەنٸن ايتتى.
سونداي-اق بيىل كٷزدە استانادا جاساندى ينتەللەكت ۋنيۆەرسيتەتٸ اشىلاتىنىن, ال كەلەسٸ جىلى ەلوردادا حالىقارالىق كيبەرسپورت فەدەراتسيياسىنىڭ قولداۋىمەن ەلەمدٸك دەڭگەيدەگٸ كيبەرسپورت جارىسى ٶتەتٸنٸن حابارلادى.
سٶز سوڭىندا قاسىم-جومارت توقاەۆ ۇيىمداستىرۋشىلارعا, تٶرەشٸلەرگە, باپكەرلەرگە, ەرٸكتٸلەرگە جەنە بارلىق قاتىسۋشىلارعا العىس ايتىپ, سپورتشىلارعا سەتتٸلٸك تٸلەدٸ.
«بۇل ويىندار ەلدەرٸمٸز اراسىنداعى ىنتىماقتاستىقتىڭ, دوستىق پەن كەلٸسٸمنٸڭ التىن كٶپٸرٸنە اينالادى دەپ سەنەمٸن. ەندەشە, «بولاشاق ويىندارى – 2026» سايىسىن اشىق دەپ جارييالايمىن!», – دەدٸ مەملەكەت باسشىسى.
