Foto: Aqorda
Memleket basshysy Joǵarǵy Sot tóraǵasy Aslambek Merǵalievti qabyldady, dep habarlaidy Ult.kz.
Prezidentke sot júiesi qyzmetiniń byltyrǵy qorytyndylary týraly málimet berildi. Aslambek Merǵalievtiń aitýynsha, azamattar men kásipkerlerdiń quqyqtaryn, erkindigin jáne zańdy múddelerin qorǵaý, zań ústemdigin qamtamasyz etý sot jumysynyń basymdyǵy sanalady.
Qasym-Jomart Toqaevqa qaralǵan ister men materialdar sanynyń ulǵaiǵany, sondai-aq sońǵy 5 jylda sot tóreligin júzege asyrý sapasynyń eń joǵary kórsetkishine (jergilikti sottardyń sot aktileriniń 98,9 paiyzy zańdy ári negizi bar dep tanyldy) qol jetkizilgeni jóninde baiandaldy.
Azamattyq jáne ákimshilik ister boiynsha sotqa deiingi tatýlasý rásimderi kóptep qoldanylyp jatyr. Alqabilerdiń quzyreti keńeiip, olar qaraityn isterdiń sany (147-den 261-ge deiin) eki esege ósti.
Joǵarǵy Sot tóraǵasy salaǵa jasandy intellekt tehnologiialaryn engizý jaiynda aitty. Bul ádis birkelki sot praktikasyn qalyptastyrýǵa, sýdialardyń jumysyn aitarlyqtai jeńildetýge yqpal etedi (materialdar men isterdiń úshten bir bóligi, iaǵni 2 million istiń 665 myńy robotty tehnikany qoldaný arqyly qaraldy).
Aslambek Merǵaliev sýdialardyń derbestigin nyǵaitý men ákimshilik ádilet salasyn keńeitýge baǵyttalǵan zań shyǵarý bastamalary, sondai-aq kassatsiialyq sottar qurý týraly habardar etti.
Memleket basshysy zań ústemdigin qamtamasyz etýdiń jáne qoǵamnyń sottarǵa senimin arttyrýdyń mańyzyn atap ótti.
