فوتو: اقوردا
مەملەكەت باسشىسى جوعارعى سوت تٶراعاسى اسلامبەك مەرعاليەۆتٸ قابىلدادى, دەپ حابارلايدى Ult.kz.
پرەزيدەنتكە سوت جٷيەسٸ قىزمەتٸنٸڭ بىلتىرعى قورىتىندىلارى تۋرالى مەلٸمەت بەرٸلدٸ. اسلامبەك مەرعاليەۆتٸڭ ايتۋىنشا, ازاماتتار مەن كەسٸپكەرلەردٸڭ قۇقىقتارىن, ەركٸندٸگٸن جەنە زاڭدى مٷددەلەرٸن قورعاۋ, زاڭ ٷستەمدٸگٸن قامتاماسىز ەتۋ سوت جۇمىسىنىڭ باسىمدىعى سانالادى.
قاسىم-جومارت توقاەۆقا قارالعان ٸستەر مەن ماتەريالدار سانىنىڭ ۇلعايعانى, سونداي-اق سوڭعى 5 جىلدا سوت تٶرەلٸگٸن جٷزەگە اسىرۋ ساپاسىنىڭ ەڭ جوعارى كٶرسەتكٸشٸنە (جەرگٸلٸكتٸ سوتتاردىڭ سوت اكتٸلەرٸنٸڭ 98,9 پايىزى زاڭدى ەرٸ نەگٸزٸ بار دەپ تانىلدى) قول جەتكٸزٸلگەنٸ جٶنٸندە باياندالدى.
ازاماتتىق جەنە ەكٸمشٸلٸك ٸستەر بويىنشا سوتقا دەيٸنگٸ تاتۋلاسۋ رەسٸمدەرٸ كٶپتەپ قولدانىلىپ جاتىر. القابيلەردٸڭ قۇزىرەتٸ كەڭەيٸپ, ولار قارايتىن ٸستەردٸڭ سانى (147-دەن 261-گە دەيٸن) ەكٸ ەسەگە ٶستٸ.
جوعارعى سوت تٶراعاسى سالاعا جاساندى ينتەللەكت تەحنولوگييالارىن ەنگٸزۋ جايىندا ايتتى. بۇل ەدٸس بٸركەلكٸ سوت پراكتيكاسىن قالىپتاستىرۋعا, سۋديالاردىڭ جۇمىسىن ايتارلىقتاي جەڭٸلدەتۋگە ىقپال ەتەدٸ (ماتەريالدار مەن ٸستەردٸڭ ٷشتەن بٸر بٶلٸگٸ, ياعني 2 ميلليون ٸستٸڭ 665 مىڭى روبوتتى تەحنيكانى قولدانۋ ارقىلى قارالدى).
اسلامبەك مەرعاليەۆ سۋديالاردىڭ دەربەستٸگٸن نىعايتۋ مەن ەكٸمشٸلٸك ەدٸلەت سالاسىن كەڭەيتۋگە باعىتتالعان زاڭ شىعارۋ باستامالارى, سونداي-اق كاسساتسييالىق سوتتار قۇرۋ تۋرالى حاباردار ەتتٸ.
مەملەكەت باسشىسى زاڭ ٷستەمدٸگٸن قامتاماسىز ەتۋدٸڭ جەنە قوعامنىڭ سوتتارعا سەنٸمٸن ارتتىرۋدىڭ ماڭىزىن اتاپ ٶتتٸ.
