Qazaqstan Prezidenti Parlament Májilisiniń plenarlyq otyrysyna qatysty, dep habarlaidy "Ult aqparat".
Qasym-Jomart Toqaev Parlament Májilisiniń plenarlyq otyrysynyń aldynda fraktsiialardyń jetekshilerimen kezdesti.
Qazaqstan Prezidenti Konstitýtsiiada bekitilgen tártipke sáikes Premer-Ministrdiń laýazymyna usynylatyn kandidatýrany depýtattyq fraktsiia jetekshilerimen aqyldasty.
Memleket basshysy Parlament Májilisiniń otyrysynda elimizdiń áleýmettik-ekonomikalyq damýyn qorytyndylap, atqarýshy bilik tarmaǵynyń pandemiia saldarynan bolǵan jahandyq daǵdarys jaǵdaiyndaǵy is-áreketine baǵa berdi.
– Úkimet daǵdarysqa qarsy jospardy tiimdi júzege asyrdy. Sonyń arqasynda jumyssyzdyqtyń kóbeiýine, halyq tabysynyń jappai tómendeýine jol berilmedi. Bul sharalar tiimdi boldy, – dedi Qasym-Jomart Toqaev.
Sonymen qatar Memleket basshysy elimizdegi negizgi makroekonomikalyq kórsetkishterdiń turaqty jáne qarjy júiesiniń ornyqty ekenin atap ótti.
Qazaqstan Prezidenti Úkimet pen Májilistiń jańa quramy ekonomikanyń uzaq merzimdi ósimin qamtamasyz etýge jáne halyqtyń ál-aýqatyn jaqsartýǵa basa kóńil bólýi tiis ekenin aitty.
Qasym-Jomart Toqaev Jańa Úkimettiń tiimdi jáne úzdiksiz jumys isteýin qamtamasyz etý maqsatynda el Konstitýtsiiasynyń 44-babyna sáikes, Qazaqstan Respýblikasynyń Premer-Ministri laýazymyna taǵaiyndaýǵa kelisim berýi úshin Asqar Maminniń kandidatýrasyn Parlament Májilisiniń qaraýyna usyndy.
Memleket basshysy óziniń sheshimin túsindire kele, Asqar Maminniń bilikti ári tájiribeli, eńbekqor, talapshyl jáne parasatty memlekettik qyzmetshi ekenin atap ótti.
– Ol aldymyzda turǵan maqsat-mindetterdi jaqsy túsinedi. Onyń Úkimettegi nátijeli jumysy – sonyń aiqyn dáleli, – dedi Prezident.
Jiyn sońynda Qasym-Jomart Toqaev Májilis depýtattaryna ózi usynǵan kandidatýrany qoldaǵany úshin rizashylyǵyn bildirip, Asqar Mamindi jaýapty laýazymǵa taǵaiyndalýymen quttyqtady.
